Fylkkadiggečoahkkin Hámmárfeasttas. Govven: Ina Eliassen/FFK.

Ásahit sierra fylkkanuoraidráđi Finnmárkui

Ovttajienalaš Fylkadiggi mearridii álggahit barggu mas áigot ásahit sierra fylkkanuoraidráđi Finnmárkkus, čállá Finnmárkku fylkkagielda preassadieđáhusas.

10:38 Geassemánu 16. beaivi 2017

Fylkkapolitihkkárat lohket preassadieđáhusas ahte nuoraid jietna ferte gullot áššiin mat gusket sidjiide, ja máŋggaid jagiid iešguđetlágan čovdosiid maŋŋel leat mii viimmat ollen bistevaš čovdosii nuoraidváikkuheapmái.

Ráđđi galgá organiserejuvvot seamma ládje go dat guokte eará fylkkagieldda ráđi; boarrásiidráđđi ja ráđđi olbmuide geain lea unnit doaibmanákca.

 

Jietnadit fylkkadikkiáššiide

Dat biddjojit sierra ruđat sihke ráđđe doibmii, ja dasa lassin vel 50.000 ruvdnosaš doarjja nuoraidaktivitehtii, man ráđđi ieš juohká.

Ráđis galgá maid leat vejolašvuohta jietnadit juoidá fylkkadikkiáššiide, ja galget leat guokte fysihkalaš čoahkkima jagis, ja okta galgá leat Fylkadikki oktavuođas.

 

Álggahit rekrutterema

Dál álgá bargu rekrutteret áŋgiris nuoraid dan gávcci sadjái ráđis.

Báikkálaš nuoraid- ja ohppiidráđđi oažžu čavčča mielde vejolašvuođa buktit kandidáhttacealkámuša. Ráđđi galgá leat bellodatpolitihkalaš bealátkeahtes ja lea dehálaš ahte miellahtuid čoahkkádus govvida leavvama sihke agis, sohkabealis ja geografiijas.

Golggotmánu 12. beaivvi 2017:s galgá kultuvrra, álbmotdearvvašvuođa ja johtalusa váldolávdegoddi mearridit ráđi čoahkkádusa.

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.
Fáddásánit
Ođđasat

På forsiden nå

Odne bearjadat eahkes 21:00 áigge lei johtolatlihkohisvuohta Kárášjogas. Čieža olbmo ledje lihkohisvuođas ja golbmasa vieččai Sea-King gádjunhelikopter. Ii ovttas ge leat heaggavárra. (Geahča filmma vulogeahčen ášši).

Almmuhuvvon ikte, dii. 23:02 Borgemánu 18. beaivi 2017
Almmuhuvvon ikte, dii. 14:32 Borgemánu 18. beaivi 2017

Eilertsena mielas ii leat vuogas seaguhit ­politihka festiválii dahje Facebook ­siidduide main lea eará ulbmil. Kvernmo fas lea ­dolkan go earáid mielas lea buot boastut maid son bargá.

Almmuhuvvon ikte, dii. 14:51 Borgemánu 18. beaivi 2017

Dálkkádat- ja birasministtar Vidar Helgesen lea almmuhan ahte maŋiduvvo ođđa láhkaásahus buhtadusa birra boraspire goddán bohccuid ovddas.

Almmuhuvvon ikte, dii. 14:40 Borgemánu 18. beaivi 2017

Sámedikki ráđđelahttu muitala ahte sii áigot Sámedikki bealis dál diggái mannan stáhta vuostá, fárro­laga Deatnočáhcádaga vuoigatvuođaguddiiguin.

Almmuhuvvon ikte, dii. 13:08 Borgemánu 18. beaivi 2017

Listanjunnošat galget gažaduvvot, ja sii hástaluvvojit gielisvuohtadetektor iskosiin, debáhta ja čiekŋalis jearahallamiid bokte.

Almmuhuvvon ikte, dii. 12:30 Borgemánu 18. beaivi 2017

Son lea juo badjel guokte vahku firpmiin bivdán lobiheamet Ohcejoga, ja dál orru áššis su beallái čoavddus.

Almmuhuvvon ikte, dii. 11:31 Borgemánu 18. beaivi 2017

NSR Viesttarmeara válgabiire vuosttaševttohas Mikkel Eskil Mikkelsen áigumuš lea ásahit giellaguovddáža gáhtten dihtii bihttán- ja julevsámegiela.

Almmuhuvvon ikte, dii. 12:23 Borgemánu 18. beaivi 2017

Son lea šaddan iežas fierbmebivddu gáržžidit 86 proseanttain ovddit Deanušiehtadusas ektui.

Almmuhuvvon ikte, dii. 11:29 Borgemánu 18. beaivi 2017

Duopmu mas guokte boazosápmelačča leaba dubmejuvvon giddagassii, go diggi gávnnahii sudno verrošan boranávdebuhtadusaiguin ja suoládan bohccuid, guoddaluvvo Alimusriektái. Nuppi dievddu advokáhtta lohká duomu hirpmástuhttin.

Almmuhuvvon ikte, dii. 10:51 Borgemánu 18. beaivi 2017
16:04 Borgemánu 17. beaivi 2017

Sámi mánáin ja ohppiin leat nu boares oahpponeavvut ahte eai ollašuhte oahppoplána gáibá­dusaid. Olu jagiid leat oahpaheaddjit ieža gártan buvttadit dohkálaš oahpponeavvuid. Sámi oahpa­husfierpmádat oaivvilda ahte lea áigi geahčadit buvttadanvuogádaga vai oahpponeavvobuvttadeapmi šattašii njuovžileabbon.

15:00 Borgemánu 17. beaivi 2017

Vaikko Statskog lea divodan máŋga bartta geasset, de dieđihit sii ahte dan dihte leat láigohan seamma ollu barttaid go diimmá geasi, vaikko soames barttat ledje gitta. Dál rahpasa vel okta barta olbmuide.

15:29 Borgemánu 17. beaivi 2017

Nuorttabealde ráji, Ahkkánjárgga lahka, Loktačohkka várrestašuvnnas Ruoŧas, lea borgan mannan ija.

15:20 Borgemánu 17. beaivi 2017