Čájáhusgovva: Ávvira vuorkágovva

Viessu bulii Guovdageainnus

– Dušše seainnit báhcán, muitala buollinhoavda.

16:52 Miessemánu 18. beaivi 2017
Ođastuvvon: 19.05.2017 - 08:12

Gaskavahkku bulii viessu Guovdageainnus, Jávrrehašmohkis. Guovdageainnu buollinhoavda Nikken Turi muitala Ávvirii ahte viessu lea áibbas buollán.

– Leat dušše seainnit báhcán. Dáhkki lea visot buollán, ja gahččan, lohká son.

Buollinčáskadeaddjit ožžo iđđes dieđu buollima birra, ja dalle lei juo olu buoláskan. Ovdal go buollinčáskadeaddjit ledje ollen sisa mannat, lei dolla leavvan sevdnjesloktii, ja doppe ii leat álki čáskadit dola. Viesus eai lean olbmot go buollái.

Politiijat eai dieđe vel manne viessu buollái. Viessu ferte čoaskut ovdal go besset iskat.

Fáddásánit
Ođđasat

På forsiden nå