GEATNOGAHTTON: – Vuođđoláhka ja riikkaidgaskasaš konvenšuvnnat, maid Norgga stáhta lea vuolláičállán, geatnegahttet Norgga eiseválddiid váldit ovddasvástádusa sámi ealáhusaid suodjaleamis, dadjá sámediggeráđđi Per Mathis Oskal. Govven: Åse Pulk/Sámediggi

Vuordá boazodoalu árvvus adnot

– Stáhta ja gielddaid eiseválddit galget suodjalit sámi boazodoalu luondduvuđđosa, maiddái go lea sáhka ollu vearroruđaid viežžamis stuorra elfápmoplánain, dadjá sámediggeráđđelahttu Per Mathis Oskal.

14:32 Cuoŋománu 20. beaivi 2017

Sámediggeráđđelahttu Per Mathis Oskal registrere ahte Finnmárkui lea stuora beroštupmi ásahit bieggamilluid. Dan dieđiha preassadieđáhusas.

– Vuođđoláhka ja riikkaidgaskasaš konvenšuvnnat, maid Norgga stáhta lea vuolláičállán, geatnegahttet Norgga eiseválddiid váldit ovddasvástádusa sámi ealáhusaid suodjaleamis, dadjá sámediggeráđđi Per Mathis Oskal.

 

Buoremus guovllut goappaš ealáhusaide

Boahtá ovdan ahte Norggas leat Finnmárkkus buoremus bieggadilit. Seammás dadjet guoskevaš orohagat ahte seamma areálat leat buoremus guohtoneatnamat.

– Stáhta ja gielddaid eiseválddit galget suodjalit sámi boazodoalu luondduvuđđosa, maiddái go lea sáhka ollu vearroruđaid viežžamis stuorra elfápmoplánain, dadjá Oskal.

Son lea gieskat ožžon dieđuid bieggafápmorusttega ásaheami birra Deanu ja Davvisiidda gielddaid gaskii. Goappaš gielddain leat sávvan bures boahtima prošeavttaide.

 

– Eiseválddit vajálduhttet

Oskala mielas lea suorggahahtti go jurddašit gieldda ovddasvástádusa sámi kultuvrra ja ealáhusa luondduvuđđosa suodjaleamis.

– Mun registreren ahte doaibmabidjooamasteaddji almmolaččat leat dovddahan ahte prošeavttat eai čuoza guohtonguovlluide. Buot huksemat boazodoalloguovlluin čuhcet sidjiide geat geavahit guovlluid ovddežis. Gažaldat lea man stuorra negatiivvalaš váikkuhusat šaddet. Mun oaivvildan ahte stáhta ja gielddaid eiseválddit vajálduhttet iežaset dieđihangeatnegasvuođa go dánlágan čuoččuhusat bállejit orrut vuosttalkeahttá, dadjá Oskal.

 

Čoahkkinastán orohagain

Sámediggeráđđi lea čoahkkinastán Lágesduoddara orohagain, masa bieggafápmorusttet čuozašii eanemus. Sis leat giđđa-, geasse-, ja čakčaeatnamat dán guovllus. Orohaga mielas lea prošeakta stuora duohtadeapmi sin guovlluin.

Preassadieđáhusas čállá ahte Sámediggi háliida geavahit ođasmuvvi energiija, muhto dainna eavttuin ahte ii buvttaduvvo sámi ealáhusaid oskálii.

– Dasto vásihuvvo dat duolbmamin go ođđa ceavzilis ja ruoná energiijabuvttadeapmi heađušta ceavzilis biebmobuvttadusa, mii lea dahkan ahte olbmot leat ásaiduvvan lagaš guovlluide sohkabuolvvaid čađa, dadjá Oskal.

 

– «Boazodoallu bisseha buot ovdáneami»

Go Oskal diehtá orohagain lea vánis ruhta ja muđui resurssaid maiguin dáistalit sisabahkkemiid vuostá, de ávžžuha plánejeddjiid, eiseválddiid ja priváhta aktevrraid árvvus atnit boazodoalu.

– Jos ovddasvástideaddji eiseválddit eai huma boazodoalu ášši almmolaččat, de loahpa loahpas šaddá nu ahte daddjo «boazodoallu bisseha buot ovdáneami». Oaivvilduvvo ahte sámi boazodoallu caggá ilu, go duohtavuođas ealáhus dáistala birgejumis beale, dadjá Oskal loahpas.

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.
Fáddásánit
Ođđasat

På forsiden nå

Guovdageainnu suohkan leat mearridan dál goas dán jagáš lodden šaddá.

Almmuhuvvon odne, dii. 15:50 Miessemánu 24. beaivi 2017

Finnmárkku boanddat ledje maid searvan miellačájeheapmai Oslos maŋŋebárgga. Sii vuosttaldit ráđđehusa árvalusa ahte geahpedit boanddaid dietnasa.

Almmuhuvvon odne, dii. 15:16 Miessemánu 24. beaivi 2017

Geaidnopolitiijat leat dárkkistan leahtu biillain Girkonjárgga guovddážis.

Almmuhuvvon odne, dii. 15:21 Miessemánu 24. beaivi 2017

36-jahkásaš dorvoohcci, Rwandas eret, lea Davvi-Romssa diggegottis dubmehallan 13 jagi giddagassii go lea niibbiin goddán iežas ovddeš moarsi diimmá geasi.

Almmuhuvvon odne, dii. 12:05 Miessemánu 24. beaivi 2017

Orohat 22 boazodoalli Nils Mathis M. Sara ii ožžon báhčinlobi báhčit guovžža mii lea speadjan Šuoššjávrri lulábealde. Oktiibuot son lohká massán logenár miesi dan maŋemus áiggi.

Almmuhuvvon odne, dii. 10:17 Miessemánu 24. beaivi 2017

Boahtte vahkkoloahpas galgá Deanu nieida heaibut Davviriikkaid meašttirgilvvuin, ja leat alla vuordámušat sutnje.

Almmuhuvvon odne, dii. 10:10 Miessemánu 24. beaivi 2017

June Sommer Strask lea geahččalan feara makkár ámmáhiid ovdal go čálligođii girjjiid. Dál almmuha ođđa mánáidgirjji man lea gohčodan «Giegačivga Filius».

Almmuhuvvon odne, dii. 09:50 Miessemánu 24. beaivi 2017

Johan Mikkel Bongo lea dál Manchesteris gos terrordáhpáhus lei ikte. Son ja su olbmát áigot dál doalahallat veahá olggobealde gávpotguovddáža, várrogasvuođain.

Almmuhuvvon ikte, dii. 15:27 Miessemánu 23. beaivi 2017

Sosialisttalaš Gurutbellodaga Kirsti Bergstø doarju Sámi oahpahusfierpmádaga apealla odne, mainna čalmmustahttet sámegieloahpahusa dili. – NetSam bargá dehálaš áššiin, lohká stuoradiggepolitihkkár.

Almmuhuvvon ikte, dii. 15:23 Miessemánu 23. beaivi 2017

Stuoradiggi mearridii mánnodaga čađahit máŋga doaimma mat buoridit árgabeaivvi skuvllas ja bisseha givssidemiid. Okta doaimmain lea ásahit givssidanáittardeaddji buot Norgga fylkkaide.

Almmuhuvvon ikte, dii. 15:14 Miessemánu 23. beaivi 2017

Vihtta sámi dáiddára servet riikkaidgaskasaš dáiddačájáhussii «Documenta 14» Kasselis Duiskkas. – Čájáhus addá áidnalunddot vejolašvuođa gaskkustit sámi dáidaga riikkaidgaskasaččat, dadjá sámediggepresideanta Vibeke Larsen, gii searvá čájáhussii geassemánus.

Almmuhuvvon ikte, dii. 13:35 Miessemánu 23. beaivi 2017

Sihke Guovdageainnu ja Nordys dievdojoavkkus lea čiekčan lávvordaga.

Almmuhuvvon ikte, dii. 14:43 Miessemánu 23. beaivi 2017
TERROR MANCHESTERIS:

Manchestera politiijain lea stuora dutkan jođus maŋŋil go iešsorbmenbomba bávkkehii konseartaviesus. Unnimusat 22 olbmo jápme dáhpáhusas.

Almmuhuvvon ikte, dii. 14:05 Miessemánu 23. beaivi 2017
Sanner čuovvola Larsena ávžžuhusa:

Divttasvuonas lea heahtedilli, oaivvilda gieldaministtar, ja bovde čoahkkimii gos ságastallet movt Divttasvuona áššiid galgá čoavdit ja čuovvolit.

Almmuhuvvon ikte, dii. 11:30 Miessemánu 23. beaivi 2017