Ollu čeahpes mánát serve juoigan­konsertii

Guhkesbearjadaga lei mánáide juoigankonsearta Guovdageainnus, ja dohko ledje searvan ollu čeahpes mánát juoiggastit iežas dahje muhtin oahppása. GEAHČA VIDEO JA GOVVAGALLERIIJA KONSEARTTAS.

18:32 Cuoŋománu 14. beaivi 2017
Ođastuvvon: 15.04.2017 - 10:27

17 máná serve juoigankonsertii mii lei Guovdageainnus bearjadaga. Muhtinat juoiggaste okto, ja muhtin ges ovttas earáin.

Vuolimusas áššis gávnnat govvagalleriija.

 

Ii lean vuordan nu ollu mánáid

Mánáid juoigankonseartta jođiheaddji, Kirsten Susanne Logje, lohka iežas hirpmahuvvan go nu ollu čeahpes mánát ledje searvan konsertii juoigat. Logje ii lean vuordan ná ollu mánáid otná konsertii, ii ge gehččiid ge.

– In lean vuordán ná ollu oasseváldiid, go dieđiheapmi lea easka dáppe go olle. Mánáidkonsertii ii dárbbat ovdalgihtii dieđihit, ja dálle eat dieđus dieđe mii man oallugat dat servet konsertii, lohká son.

 

Juohke háve ollu mánát searvan

Logje lohká iežas boahtit dákkár jurdagiin konsertii ahte lea go son dohko oktage boahtán, vuoi eai go leat boahtán.

– Mii leat máŋgii geahččalan ovdalgihtii dieđiheami, muhto diehttelasat ii leat nu álki mánáid dieđihit go ii álot soaitte šaddat boahtit. Muhto juohke háve go konsearta lea leamašan, de leat ollu mánát searvan juoigat.

 

Ieš ráhkadan luođi

Okta čeahpes juoigi, Sara Bigga Somby, muitala ahte son lea ieš bidjan luođi maid juoiggastii otná konsearttas.

– Mun juigen iežan luođi maid ieš lean ráhkadan, lohká son.

 

Beaivelottažat dovdoje

Somby lei hui speantta ovdal go galggai lávdái juoiggastit iežas.

– Mu čoavjjis ledje dievva beaivelottážat, muitala son.


Jorre birratbirra ja juoiggade maŋŋá go buohkat ledje juoiggastan. 
Govven: Ann-Karoline Eira

Háliida eambbo luđiid oahppat

Ii leat vuosttaš geardde go Sara Bigga Somby searvá juoigankonsertii, moadde jagi áige lei son maid mielde. Somby lohká iežas háliidit boahtte jagi fas searvat mánáidkonsertii.

– Háliidan maid oahppat eambbo luđiid, loahpaha son.

 

Juoiggastii oappá

Silvia Elena Gaup searvvai maid iežas unnaoappáža luđiin, maid su eadni lea ráhkadan. Ii leat vuohččan go son searvá juoigankonsertii, son muitala ahte lea ovdal maid searvan.

– Lean guokte jagi searvan. Dál ii lean mu olmmái mielde juoigamin, muhto manai goitge bures juoigat.

 

Iežas háliida juoiggastit

Gaup lohká iežas meinet boahte jagi maid searvat juoigankonsertii, muhto dalle gal háliida iežas juoiggastit.

– Mun in dárbbat nu hárjehallat boahtte jahkái, go dieđán gean mun áiggun juoigat. Mun áiggun iežan juoigat, ja dan máhtán oainnat hui bures, lohká son.

Fáddásánit
Kultuvra

På forsiden nå

Statistihkalaš guovd­dášdoaimmahat árvala máŋga gáldu gos gávnnašii sámegielagiid, ovdamearkka dihte geahččat geat čužžot mearkaregistaris ja geat leat čađahan sáme­giel­eksámeniid.

Almmuhuvvon odne, dii. 13:21 Golggotmánu 20. beaivi 2017

Politiijat muittuhit ahte sáhttá 9000 ruvdnosaš sáhkku jus gožžá eará sajiide go hivssegii.

Almmuhuvvon odne, dii. 12:39 Golggotmánu 20. beaivi 2017

Ruoŧŧelaš, gii lei iežas ustiba mielde goargŋumin Vågakallen 943 alla váris Lofuohtas, gahčai ikte eahkedis ja dál lea Nordlándda politiijaguovllu dieđihan ahte almmái lea gávdnon jápmán.

Almmuhuvvon odne, dii. 14:10 Golggotmánu 20. beaivi 2017

Sámediggeráđđi lea dál bargagoahtán 2018 bušeahtain. Dál oaivvildit ahte sin doaibmanvejolašvuohta lea garrasit gáržžiduvvon, smávva lassáneami geažil stádabušeahtas.

Almmuhuvvon odne, dii. 13:31 Golggotmánu 20. beaivi 2017

Sámedikki ovddasteaddjit čoahkkinaste gieskat ON mánáidlávdegottiin Genéves. Sámediggi ovdanbuvttii muhtun hástalusaid maid sámi mánát ja nuorat vásihit.

Almmuhuvvon odne, dii. 11:54 Golggotmánu 20. beaivi 2017

Ovdalaš áiggi masse olu boazosámit iežaset rivttiid ja duvdiluvvojedje eret ealáhusas. Masá 50 jagi maŋŋel go Baal-bearaš massii eallinláibbis, de háliidivččiiga oappážagat ruovttuluotta boazodollui. Norgga Árktalaš Universitehta juridihkalaš professor Øyvind Ravna dadjá dán váddása duohken.

Almmuhuvvon odne, dii. 07:00 Golggotmánu 20. beaivi 2017

Romssa fylkkadiggi lea árvalan nama ođđa fylkii mii ovttastahttá dálá Finnmárkku ja Romssa.

Almmuhuvvon odne, dii. 11:18 Golggotmánu 20. beaivi 2017

Fargga 30-jahkásaš ii leat vel gávdnon maŋŋel gahččanlihkuhisvuođa Vågakallenis, lulábealde Svolværa Lofuohtas.

Almmuhuvvon odne, dii. 10:33 Golggotmánu 20. beaivi 2017

Njealji mánu geahčen cáhkkehuvvo fas Olympiadolla, dán háve Pyeongchangas, ja Kroghas lea fas vejolašvuohta geahččalit ollašuhttit OG-niegu.

Almmuhuvvon odne, dii. 10:32 Golggotmánu 20. beaivi 2017

Politiijat ávžžuhit dieđihit jus leat eambbo áššit. Psykologa rávve movt galgá hupmat nuoraiguin váttis áššiid birra.

Almmuhuvvon ikte, dii. 15:35 Golggotmánu 19. beaivi 2017

Juohke jagi gávdnet sii bohccuid maidda leat sorron boares telefon­streaŋggat, ja bohccuid mat leat darvánan daidda ja jápmán meahccái. – Dál lea áigi čálligoahtit beaivesáhkuid Telenorii, oaivvilda boazodoalli.

Almmuhuvvon ikte, dii. 13:50 Golggotmánu 19. beaivi 2017

Ikte eahkedis dieđihedje Finnmárkku politiijat ahte 80-jahkásaš nisu lei čukkohallon Deanus.

Almmuhuvvon ikte, dii. 14:17 Golggotmánu 19. beaivi 2017

Muhtun oahpaheaddji Sis-Finnmárkkus lea váidon politiijaide. Son galgá sádden heivetmeahttun dieđuid vuolleahkásaš ohppiide.

Almmuhuvvon ikte, dii. 10:36 Golggotmánu 19. beaivi 2017

Hávit eai leat sávvon vaikke leat gollan masá 50 jagi dan rájes go bearaš duvdiluvvui eret boazodoalus. Oappášguovttes muitaleaba ahte masse visot maŋŋel go čáhcefápmorusttet huksejuvvui sin eatnamiidda. Dál čuovvuba diggeášši mas njeallje orohaga dáistalit jiehtanaslinjjá huksema vuostá. Sudno bearraša historjá geavahuvvo ovdamearkan dikkis.

Almmuhuvvon ikte, dii. 07:00 Golggotmánu 19. beaivi 2017