AIN MUOHTTAGA VUOLDE: Niitoguolban spábbačiekčanšillju lea áin muohttaga vuolde. IL Nordlys lea šaddan maŋidit čiekčamiid mat galge lávvordaga, muhto sávvet ahte maŋit vahkkolohppii lea buot suddan. Govven: Geir Michael Boine/IL Nordlys

Guhkes dálvi hehttehussan maiddái spábbačikčiide

Olu muohta spábbačiekčanšiljuid alde dagaha ahte Finnmárkkus leat juo máŋggat čiekčamat maŋiduvvon. IL Nordlys ja Honnesváhki galge deaivvadit Niitoguolbanis lávvordaga, muhto čiekčamat leat maŋiduvvon, muohttaga geažil.

17:05 Cuoŋománu 27. beaivi 2017
Ođastuvvon: 28.04.2017 - 08:17

Dán dálvvi lea boahtán olu muohta, ja čoaska giđđa dagaha ahte dat olu muohta ii leat suddan nu go láve.

Spábbačiekčanáigodat lea álgán, muhto IL Nordlys spábbačiekčanšiljus ii leat vel suddan muohta. Lávvordaga livččii galgan IL Nordlysa dievdojoavkkus ruovttučiekčan Honnesvági vuostá, muhto sii leat šaddan maŋidit čiekčamiid.

– Lea dan mađe jiekŋa šiljus, ja olu muohta šilju birra, nu gohčoduvvon sihkarvuođa sonas. Spábbačikčiid sihkarvuohta ferte vuosttažin vuoruhuvvot, čilge Geir Michael Boine IL Nordlysas.

 

Dušše vuordit

Sii eai sáhte maide dainna bargat, eará go vuordit. Boine lohká ahte ii leat nu buorre mašiinnaiguin hoigat


IL Nordlys beaivválaš jođiheaddji Geir Michael Boine. Ávvira vuorkágovva: Anne Rasmus

muohttaga ge, go dat sáhttá billistit šilju.

Maŋit vahkkoloahpa, miessemánu 6. beaivvi, lea IL Nordlysas fas ruovttučiekčan Sállan Glimta vuostá. Dassážii gal jáhkká Boine šilju suddan.

– Galggašii gal šaddat, ii leat buorre jus gártet menddo olu čiekčamat. Šaddá lossadin maŋŋel daid fas čiekčat, lohká son.

– Midjiide gal lea álki go leat ruovttučiekčamat, muhto vearrát lea guossejoavkkuide, lea oalle guhkki Karášjohkii Honnesvágis ja Sállanis, lasiha Geir Michael.

 

Čikčet vaikko čievrašiljus Guovdageainnu vuostá

Miessemánu 16. beaivvi lea Guovdageainnu ja Kárášjoga vuosttaš deaivvadeapmi dán áigodaga. Juste dát čiekčamat ožžot olu fuomášumi juohke jagi, go leat guokte siseatnama joavkkut mat deaivvadit.

– Jus dassážii ii leat suddan šillju, de galgá goit ge čikčojuvvot, vaikko čievrašiljus! lohká Boine ja reašká.

 

Beannot mehtera muohta

Honnesvágis lea seamma váttisvuohta go Kárášjogas. Sis galggai ruovttučiekčan cuoŋománu 22. beaivvi Indrefjorda vuostá. Dan leat sii šaddan maŋidit. Hárjeheaddji Ole Harald Dyrstad muitala ahte leat geahččaleame čorget šilju, muhto váttisvuohta lea go eai sáhte stuora mašiinnaid geavahit.

Šilju alde lea muhtun sajiid beannot mehtera muohta, ja sii leat unna muohtačorgenmašiinnaiguin geahččaleame dan oažžut eret.

– Mii vázzit birrajándora mašiinnaiguin, leat vahkku jo bargan. Muhto lea olu muohta, muitala Dyrstad.

 

– Háliidit boahtit johtui

Honnesvági boahtte čiekčan lea Čáhcesullos miessemánu 6. beaivvi. Hárjeheaddji sávvá dat čiekčan šaddá.

– Ii leat buorre jus olu čiekčamat maŋiduvvojit. De šaddet beare olu čiekčamat maŋŋálaga go boahtit johtui. Ii leat buorre ovtta ge jovkui, lohká son.

Dyrstad ii muitte goas maŋemuš lea ná olu muohta leamaš, ja lohká lea muohttán gitta dássážii. Boahtte ruovttučiekčan lea miessemánu 13. beaivvi, Girkonjárgga vuostá.

– Rehkenasttán ahte dat čiekčan gal šaddá, mii bargat goit dál birrajándora. Mii háliidit boahtit johtui, go leat bures hárjehallán dálvvi, lohká son.

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.
Fáddásánit
Valáštallan

På forsiden nå

Manne galggašii nuorra Guovda­geainnu nisu beassat juoigat ovttas Led Zeppelin ­beakkálmasain John Paul Jonesiin? Jerrot baicce nuppeládje: Manne son ii galggašii dan dahkat?

Almmuhuvvon ikte, dii. 15:47 Geassemánu 27. beaivi 2017

Ellos Deatnu joavku áigot orrut ja bearráigeahččat bivddu Čearretsullos dassái ođđa Deanusoahpamuš boahtá sadjái, eaige bala ahte stáhtaid politiijat bohtet sin fámuin gevret eret.

Almmuhuvvon ikte, dii. 12:31 Geassemánu 27. beaivi 2017

Asfalteremat leat álgán riikka- ja fylkkageainnuin Álttás, ja boahtte vahku ges Hámmárfeasttas.

Almmuhuvvon ikte, dii. 14:55 Geassemánu 27. beaivi 2017

Dáin govain oainnát muhtun oasi dáhpáhusain maid it gávnna goassege beavdegirjjiin.

Almmuhuvvon ikte, dii. 14:47 Geassemánu 27. beaivi 2017

Ávvir lágida dál oaggungilvvuid mas leat vuoittut sihke mánáide ja rávisolbmuide. Searvva don ge!

11:44 Geassemánu 26. beaivi 2017

Davvi-Norgga SeastinBáŋku (SNN) almmuha ođđa bálvalusa odne ja dál sáhtát iežat jienain maid sáddet ruđa nubbái. Bálvalus lea vuosttaš dakkár bálvalus Norggas.

Almmuhuvvon ikte, dii. 14:53 Geassemánu 27. beaivi 2017

Statoil áigu álgit bargat Johan Castberga oljoriggodagaiguin maid leat gávdnan Barentsábis, ja ráhkkanit álggahit doaimma viđa jagi geahčen.

Almmuhuvvon ikte, dii. 13:52 Geassemánu 27. beaivi 2017

Politiijat leat doallan leaktodárkkisteami.

Almmuhuvvon ikte, dii. 12:42 Geassemánu 27. beaivi 2017

Guovdageainnu dearvvašvuođabálvalus lea 71. sajis dán jagi suohkanbaromehteris, buot ­Norgga suohkaniid gaskkas, jos geahččá aitto almmuhuvvon suohkanbaromehtera mii lea gos Norgga suohkanat buohtastahttojuvvojit.

Almmuhuvvon ikte, dii. 12:36 Geassemánu 27. beaivi 2017

Golbma mánu dás ovdal álggii Bjørn Erik Mikkola bargat ahte buot droššebiillain Finnmárkkus galgá leat váibmomašiidna. Dál leat juo vuosttaš droššebiillain mašiinnat sajis.

Almmuhuvvon ikte, dii. 09:22 Geassemánu 27. beaivi 2017

Kafeas leamaš guossit ihkku maŋŋel giddenáiggi.

Almmuhuvvon ikte, dii. 11:01 Geassemánu 27. beaivi 2017
VÁLGGAT 2017:

Dat suohkan gosa don leat registrerejuvvon maŋemus beaivvi geassemánus, lea dat suohkan gos don beasat jienastit čavčča válggain.

Almmuhuvvon ikte, dii. 09:32 Geassemánu 27. beaivi 2017

Vaikke Norgga Boazo­sápmelaččaid Riikasearvi lea leamašan Dálkkádat ja Birasdepartemeantta stáhtačállin čoahkki­mis, de ii lean liikká stáhtačálli gullan ge SNO ja NOS čanastagaid.

16:47 Geassemánu 26. beaivi 2017

Victoria J.knutsen lea Miel­lahttun «Samiske Kofter/Gákti» Joavkkus. Dohko son juogadii gova mas oaidnit muhtima vuovdaleame dan maid gohčo­dii «juoiganšávkan» dahje dárogillii «Joikelue».

16:30 Geassemánu 26. beaivi 2017