Čájáhusgovva, olbmot govas eai leat áššái gullevaččat. Govven: Heiko Junge/NTB scanpix

– Cápma­halai irgái, muhto politiijat eai boahtán

Nuppi beassášbeaivvi galgá leat čuožžilan veahkaválddálašvuohta ovtta pára gaskka Kárášjogas. Olmmoš gii oinnii dan, riŋgii politiijaide, muhto politiijat eai vuoddján Leavnnjas Kárášjohkii dan dihte.

15:52 Cuoŋománu 20. beaivi 2017
Ođastuvvon: 21.04.2017 - 13:03

– Lea váidalahtti go politiijat eai boađe go olmmoš lea heađis Kárášjogas. Gosa de galgá riŋget, galget go priváhta olbmot mannat sisa? Dalle han šaddá vel vearrábun, muitala okta nissonolmmoš gii háliida leahkit anonyma.

Nuppi beassášbeaivvi son šattai vuolgit viežžat ovtta nuorra nieidda guhte galgá leat huškkohallan iežas irgái, muhtun priváhta viesus. Nieidda olmmái lei oaidnán dáhpáhusa, ja lei mannan olggobeallai riŋget politiijaide.

Dan beaivvi lei Porsáŋggu leansmánnekantuvrras vuorru, ja nieida gii riŋgii oaččui dieđu ahte politiijat eai boađe.

Son oaččui maid dieđu ahte fertejit govvet dan nieidda gii lea doaruhuvvon, ja politiijat váldet oktavuođa go lea fas árga.

 

– Livččii sáhttán vearáskit

Anonymas nisu muitala go manai viežžat nieidda ja su olbmá, oaččui son diehtit mii lei dáhpáhuvvan, ja dan son muitala dál Ávvirii.

Nuorra nieida galgá leat vuolgán viežžat iežas biergasiid go soai leigga heaitalan.

Go doarrun čuožžilii galgá muhtun eará rávisolmmoš leat mannan pára gaskii, vai nieida beassá báhtui.

Son válddii nuorra nieidda doavtteriskkadeapmái, ja govvejedje mearkkaid mat ledje šaddan.

– Mo lea min sihkarvuohta Kárášjogas go politiijat eai boađe. Jurddašan go nuorat dán láhkái bártidit, movt Leavnnjas eai sáhte Kárášjoga politiijaide riŋget, veahkkin boahtit, lohká anonymas nissonolmmoš.

Son lea heađástuvvan go dáhpáhus livččii sáhttán vearáskit, ja son lohká ahte olmmoš sáhttá suhtuid siste vaikko maid fuobmát.

– Jus livčče politiijat boahtán, de livččii jaskkodan, ja livččii oadjebasvuohta niidii ja earáide geat ledje das.

 

Olu fokus veahkaválddálašvuođa sámi nissoniid vuostá

Anonymas nissonolmmoš, geainna Ávvir humada, maiddái imaštallá go maŋemuš áiggiid lea leamaš olu fokus veahkaválddálašvuođas sámi nissoniid vuostá, ja liikká eai boađe politiijat go ožžot dieđu dakkár dáhpáhusa birra.

– Eai bat politiijat leat lohkan ahte áigot vuoruhit dákkár áššiid, manne de eai vuorut daid. Ii leat ávki hállat ja hállat áššiid birra ja čáppa sániid dušše dadjat medias, lohká son.

 

Čuovvolit ášši

Beassášlávvordaga rájes álggii Porsáŋggu leansmánnekantuvrras vuorru, ja nu eai lean go Leavnnja politiijat Kárášjogas.

Dalle Porsáŋggu leansmánni ja regiovdnaleansmánni Tarjei Mathisen dáhkidii ahte sis lea doarvái bálvalus Kárášjogas beassážiid.

Leo Johansen, Leavnnja leansmánnekantuvrras, duođašta ahte leat ožžon dieđu dáhpáhusa birra nuppi beassášbeaivvi, muhto eai leat vel registreren makkár ge váidima.

– Mii čuovvolit ášši, váldit oktavuođa gillájeddjiin ja čielggadit ášši, lohká Johansen.

 

Loga maid: – Ii leat dušše politiijaid ovddasvástádus

 

– Ii lean heahti

Bjørn Tormod Syversen lei operašuvdnajođiheaddji go dáhpáhus lei.

Son ii sáhte muitalit juste makkár dieđuid sii leat ožžon go leat dutkame ášši, muhto čilge ahte ledje máŋga ákka manne Leavnnja politiijat eai vuolgán Kárášjohkii.

– Min árvvoštallan lea ahte ii lean heahti. Vuosttažettiin lei veahkaválddálašvuohta nohkan, iige lean jáhkehahtti ahte šaddá eambbo. Dieđiheaddji dieđuid mielde eai lean gillájeaddjis mearkkat ja gillájeaddjis lei idjadansadji eará báikkis, lohká Syversen.

Son čilge maid ahte sii čuvvo ášši eahkes, ja árvvoštalle dan nu ahte sáhtte nuppi beaivvi álgit bargat áššiin. Dan sii dahke.

Son deattuha ahte jus livččii ain veahkaválddálašvuohta dáhpáhuvvame go ožžo dieđu, de politiijat livčče vuolgán báikái.

– Ii lean dárbbašlaš sáddet bálvváid badjeláiggis, mii sáddet de go lea heahti.

 

– Ii go politiijain galgga leahkit stuora fokus veahkaválddálašvuođas nissonolbmuid vuostá?

– Juo dieđusge, ja dat mis lea. Dat lea okta min stuorámus vuoruhemiin, muhto juohke ášši ferte árvvoštallat, lohká Syversen.

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.

På forsiden nå

Odne bearjadat eahkes 21:00 áigge lei johtolatlihkohisvuohta Kárášjogas. Čieža olbmo ledje lihkohisvuođas ja golbmasa vieččai Sea-King gádjunhelikopter. Ii ovttas ge leat heaggavárra. (Geahča filmma vulogeahčen ášši).

Almmuhuvvon ikte, dii. 23:02 Borgemánu 18. beaivi 2017
Almmuhuvvon ikte, dii. 14:32 Borgemánu 18. beaivi 2017

Eilertsena mielas ii leat vuogas seaguhit ­politihka festiválii dahje Facebook ­siidduide main lea eará ulbmil. Kvernmo fas lea ­dolkan go earáid mielas lea buot boastut maid son bargá.

Almmuhuvvon ikte, dii. 14:51 Borgemánu 18. beaivi 2017

Dálkkádat- ja birasministtar Vidar Helgesen lea almmuhan ahte maŋiduvvo ođđa láhkaásahus buhtadusa birra boraspire goddán bohccuid ovddas.

Almmuhuvvon ikte, dii. 14:40 Borgemánu 18. beaivi 2017

Sámedikki ráđđelahttu muitala ahte sii áigot Sámedikki bealis dál diggái mannan stáhta vuostá, fárro­laga Deatnočáhcádaga vuoigatvuođaguddiiguin.

Almmuhuvvon ikte, dii. 13:08 Borgemánu 18. beaivi 2017

Listanjunnošat galget gažaduvvot, ja sii hástaluvvojit gielisvuohtadetektor iskosiin, debáhta ja čiekŋalis jearahallamiid bokte.

Almmuhuvvon ikte, dii. 12:30 Borgemánu 18. beaivi 2017

Son lea juo badjel guokte vahku firpmiin bivdán lobiheamet Ohcejoga, ja dál orru áššis su beallái čoavddus.

Almmuhuvvon ikte, dii. 11:31 Borgemánu 18. beaivi 2017

NSR Viesttarmeara válgabiire vuosttaševttohas Mikkel Eskil Mikkelsen áigumuš lea ásahit giellaguovddáža gáhtten dihtii bihttán- ja julevsámegiela.

Almmuhuvvon ikte, dii. 12:23 Borgemánu 18. beaivi 2017

Son lea šaddan iežas fierbmebivddu gáržžidit 86 proseanttain ovddit Deanušiehtadusas ektui.

Almmuhuvvon ikte, dii. 11:29 Borgemánu 18. beaivi 2017

Duopmu mas guokte boazosápmelačča leaba dubmejuvvon giddagassii, go diggi gávnnahii sudno verrošan boranávdebuhtadusaiguin ja suoládan bohccuid, guoddaluvvo Alimusriektái. Nuppi dievddu advokáhtta lohká duomu hirpmástuhttin.

Almmuhuvvon ikte, dii. 10:51 Borgemánu 18. beaivi 2017
16:04 Borgemánu 17. beaivi 2017

Sámi mánáin ja ohppiin leat nu boares oahpponeavvut ahte eai ollašuhte oahppoplána gáibá­dusaid. Olu jagiid leat oahpaheaddjit ieža gártan buvttadit dohkálaš oahpponeavvuid. Sámi oahpa­husfierpmádat oaivvilda ahte lea áigi geahčadit buvttadanvuogádaga vai oahpponeavvobuvttadeapmi šattašii njuovžileabbon.

15:00 Borgemánu 17. beaivi 2017

Vaikko Statskog lea divodan máŋga bartta geasset, de dieđihit sii ahte dan dihte leat láigohan seamma ollu barttaid go diimmá geasi, vaikko soames barttat ledje gitta. Dál rahpasa vel okta barta olbmuide.

15:29 Borgemánu 17. beaivi 2017

Nuorttabealde ráji, Ahkkánjárgga lahka, Loktačohkka várrestašuvnnas Ruoŧas, lea borgan mannan ija.

15:20 Borgemánu 17. beaivi 2017