Árrat dahka­goahtán čorvviid

Boazoeaiggádis lea boazu mii lea moadde mánu ovdal go dábálaš dahkagoahtán čorvviid, ja dál leat dan sarvás juo guhkes ođđačoarvvit.

16:02 Cuoŋománu 20. beaivi 2017
Ođastuvvon: 21.04.2017 - 14:27

Ábborášša boazoeaiggádis Mikkel Mathis Eiras leat sarvát áiddi siste viesu luhtte márkanis, maid biebmá. Sus leatge moaddelogi sarvá viesu luhtte, muhto lea dušše dat okta mas leat dál juo guhkes ođđačoarvvit.

– Dat lea veaháš erenoamáš boazu, lea vuosttaš jahki go mus lea dát sarvvis gitta,ja in leat dáid oaidnán lagamus áiggiid diekkár bohcco mii lea ođđajagemánus juo álgán dahkat čorvviid.

 

Sarvvis govvejuvvon guovvamánu 3. beaivvi. Priváhta govva

 



Sarvvis govvejuvvon guovvamánu 23. beaivvi. Priváhta govva.



Sarvvis govvejuvvon njukčamánu 23. beaivvi. Priváhta govva

 



Govvejuvvon cuoŋománu 20.beaivvi. Govven: Ovlla Gaup

Ii buorre diehtit

Eira lohká váttisin diehtit mas boahtá go dan mađe árrat boazu álgá dahkat čorvviid.

– Dan lea váttis diehtit, ja mun lean jearahan olbmuin ja vuorrasit olbmuin, muhto eai muitte dákkár čorvviid oaidnán dán muttos jagis. Luonddu ii leat buorre diehtit, lohká Eira.



Mikkel Mathis Eira. Govven: Ovlla Gaup

 

Sáhttá boahtit das go biepmat bohccuid?

– Sáhttá dieđusge, muhto mus leat ollu sarvát maid biepman ja dat lea nu movt dábálaš lea, ahte leat easka dál dahkagoahtán čorvviid. Dieđán maid ahte oallugat earát maid bibmet, in ge leat oaidnán doppe nie guhkes čorvviid sarváin, lohká son.

 

– Mus lei diibmá maid sarvvis mas ledje guhkes ođđačoarvvit dáid muttuid, ja čakčii lei erenoamáš čoarvái ja suhkkes oaivi. Jáhkán dán sarvás maid šaddet suhkkes ja stuora, guhkes čoarvvit, lohká Mikkel Mathis Eira.

 

Eai gilvohearggit

Eira ii loga iežas atnet sarváid viesu luhtte heargegilvvohallamiid dihte.

– Mun in gilval, mun gal biepman vai leat stuorát sarvát čakčii na ahte šaddet albma ragahansarvát, ja miesit maid šaddet stuorábun.

 

 

 

 

 

 

 

 

 

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.
Fáddásánit
Ođđasat

På forsiden nå

Vaikke Norgga Boazo­sápmelaččaid Riikasearvi lea leamašan Dálkkádat ja Birasdepartemeantta stáhtačállin čoahkki­mis, de ii lean liikká stáhtačálli gullan ge SNO ja NOS čanastagaid.

Almmuhuvvon ikte, dii. 16:47 Geassemánu 26. beaivi 2017

Victoria J.knutsen lea Miel­lahttun «Samiske Kofter/Gákti» Joavkkus. Dohko son juogadii gova mas oaidnit muhtima vuovdaleame dan maid gohčo­dii «juoiganšávkan» dahje dárogillii «Joikelue».

Almmuhuvvon ikte, dii. 16:30 Geassemánu 26. beaivi 2017

Ávvir lágida dál oaggungilvvuid mas leat vuoittut sihke mánáide ja rávisolbmuide. Searvva don ge!

Almmuhuvvon ikte, dii. 11:44 Geassemánu 26. beaivi 2017

Dán jagáš stuorimus dáhpáhus Bieskenjárggas lea BeskánLuossaRock festivála mii lágiduvvo lávvordaga. Lágideaddjit vurdet ollu olbmuid joavdat doaluide ja ahte luosat maid leat ollen Beskenjárgii.

Almmuhuvvon ikte, dii. 14:14 Geassemánu 26. beaivi 2017
Ohppet mo bargoeallin doaibmá:

Báhtareaddji Abdulhamid lea ilus go beassá geahččalit ­bargoeallima. Son lea okta njealljásis geat dál leat bargohárjehallamis Kapros.

Almmuhuvvon ikte, dii. 15:10 Geassemánu 26. beaivi 2017

Guovdageainnu rap-joavku, Duolva ­Duottar beassá loahpahit dán jagáš Riddu Riđđu festivála.

Almmuhuvvon ikte, dii. 14:56 Geassemánu 26. beaivi 2017

Das ovddasguvlui boahtá dat áigi goas olu telefovnnat cuovkanit. Loga dás movt dan eastadat.

Almmuhuvvon ikte, dii. 14:01 Geassemánu 26. beaivi 2017

Gávcci Guovdageainnu čiekči leat beassan mielde Sápmi joavkkuide, ja leat gergosat čiekčat spáppa Bihttánis dán geasi.

12:06 Geassemánu 25. beaivi 2017
POLITIIJALOGGA:
14:50 Geassemánu 25. beaivi 2017
MANNAN IJA DÁHPÁHUSAT:

Dan vahkkoloahpa ledje ollu dáhpáhusat maid Finnmárkku politiijat šadde čoavdit. Dás oainnát mannan ija dáhpáhusaid.

11:19 Geassemánu 25. beaivi 2017

Ovtta sihkkelasti leat dolvon buohccivissui go lea bahut roasmmohuvvan go vujii sihkkeliin badjel luotta sihkkelgilvvus Álttás odne. Okta geahčči galgá maid roasmmohuvvan dáhpáhusas.

12:14 Geassemánu 24. beaivi 2017

Politiijat leat váldán gitta guokte dievddu Finnmárkkus, go galgaba cápmán ovtta dievddu nu ahte šattai buohccivissui.

11:54 Geassemánu 24. beaivi 2017

Guohcahádja haksogođii jur studeanttaid njune vuollái. Ávviris lea dál čilgehus dasa.

09:56 Geassemánu 24. beaivi 2017

Sámediggeráđđi lea beahttašuvvamiin Finnmárkku buohcciviesu mearrádussii heaittihit 10 virggi fáhkka ambuleanta joavkkus psykiátralaš dearvvašvuođas gokčan dihtii doaimma vuollebáhcaga.

10:49 Geassemánu 24. beaivi 2017