Silje Karine Muotka lea nammaduvvon vuosttažin, ja nubbin ja goalmmádin leaba Nils Mikkelsen Utsi ja Gunn-Anita Jacobsen. Govven: NSR Preassagovva

NSR njunnošat Davve­guovllu válga­biires

Norgga Sámiid Riikasearvi (NSR) čađahan nammadeami Davveguovllu válgabiires, ja njunnošis lea Silje Karine Muotka.

16:08 Njukčamánu 21. beaivi 2017
Ođastuvvon: 13.06.2017 - 13:38

Ikte leat Norgga Sámiid Riikasearvi (NSR) čađahan nammadeami Davveguovllu válgabiires. Ledje Álttá sámiid searvi ja Návuona sámiid searvi geat mearridedje loahpalaš listu Davvi válgabiires, masa gullet Davvinjárga, Fálesnuorri, Hammerfeasta, Áltá, Ákŋoluokta, Láhppi, Návvuotna ja Ráisa.

 

Lea gearggus

Njunnošis lea Silje Karine Muotka, ja NSR váldoáššit šaddet sihkkarastet sámegielat mánáidgárdesajiid, gádjut Riehpovuona, bargat guolástanvuoigatvuođaid ja boazodoalu ovddas, ja nannet mearrasámi kultuvrra guovllus.

– Lean gearggus njealji ođđa jahkái Sámedikkis jus jienasteaddjit háliidit dan, lohká Muotka.

 

Advokáhtta nuppi sajis

Nuppi sadjái lea nammaduvvon Nils Mikkelsen Utsi.

– Lean ilus go leat ožžon fárrui advokáhta nuppi sadjái listus. Sus lea gelbbolašvuohta boazodoalus ja nana fágalaš duogáš mii lea máilmme dehálaš máŋgga sámepolitihkalaš áššiin ovddasguvlui, lohká Muotka.

 

– Ovddidan mearrasámi

Muotka lohká muđui listtus leat ollu buorit evttohasat.

– Návvuona sámiid searvvis lea mis goalmmát evttohas Gunn-Anita Jacobsen, gii ollu jagiid lea ovttas earáiguin bargan ovddidit mearrasámi kultuvrra Návvuonas, lohká son. Muotka maid geassá ovdán Inger Elin Utsi, gii lea maŋemus áigodagas leamaš fásta čoahkimastin áirras biire bealis.

– Ii leat nu dávjá olmmoš deaivá nu viššalis ja barggánis olbmo go Inger Elina. Sus leat ollu doaibmanávccat, ja lean rámis bargguin maid son lea čađahan dán rádjai, ja giitevaš go lea listus njealját sajis, lohká Muotka.

 

Viđat sajis listus lea easkaálgi ja politihkalaš taleanta Miriam Accouche.

– Son lea issoras čeahppi, lohká Muotka ja čujuha ahte Accouche lea čájehan jálluvuođa politihkalaš áššiin.

– Son duostá čuoččuhit maid oaivvilda, ja dárbbašuvvo maiddái sámi áššiin. Áiggun su ožžodit guovddaš rollaide nu movt ieš lea dáhtton, lohká Muotka gii illuda ovttasbargat Accouchiin.

 

Norgga Sámiid Riikasearvvi Davveguovllu válgabiire:

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.

På forsiden nå

Luossabivdi ii mieđit ahte luossareive­eaiggádat galget iežaset «boandarivttiid» ­gohčodit sámi árberiektin, ja eai galgga daid rivttiid nannet sámi namas dikkis.

Almmuhuvvon odne, dii. 12:38 Borgemánu 21. beaivi 2017

VIIDDIDIT FÁLALDAGA: – Mii oaidnit dan ahte Oarje-Finnmárkku regiovnnas lea pasieantavuođđu gaskal 20 000-25 000, nu ahte Álttás viiddiduvvo fálaldat. Earret eará røntgenossodat, earenoamášdikšu ja gáldnanvihkeossodat leat fálaldagat mat bohtet Áltái, lohká Frank Bakke-Jensen. Govven: Ellen Marianne Siri

Almmuhuvvon odne, dii. 14:19 Borgemánu 21. beaivi 2017

Bargiidbellodaga lista­njunuš ii leat eahpá­dusas ahte sámegiella ferte vuoru­huvvot, ja Sámediggi ferte vel eambbo ruđalaš ­návccaid geavahit seailluhan dihtii sámegiela boahtte­áiggis.

Almmuhuvvon odne, dii. 13:12 Borgemánu 21. beaivi 2017

Bargu ráfáidahttit Gurravári guovllu Álttás lea dál válmmas, ja dat čalmmustahttojuvvo ráfáidahttinlágidemiin Uhca Gurravárážis maŋŋebárgga.

Almmuhuvvon odne, dii. 12:04 Borgemánu 21. beaivi 2017

Ijahis Idja festivála Anáris lea loahpahuvvon. Lei seavdnjat olgun go čuojahedje sámi musihka lávddi alde, ja čuovggat dagahedje magihkalaš dovddu ­gussiide. Juha Kuura­järvi dovddai iežas dego girdimin.

Almmuhuvvon odne, dii. 11:07 Borgemánu 21. beaivi 2017

Jotket ohcamis nissona gii lea láhppon Sállanis ja politijat dieđihit ahte sis lea doaivva gávdnat nissona heakkas.

Almmuhuvvon odne, dii. 11:11 Borgemánu 21. beaivi 2017

Fovsen guovllu lullisámit ballet ahte bieggamillopárkkat dagahit ahte Fovsen boazodoallu nohká go eai juksan mieđiheami árvvoštallanrievttis bissehit bieggafápmorusttega huksenplánaid Storheias.

Almmuhuvvon odne, dii. 11:04 Borgemánu 21. beaivi 2017

Ikte ledje vuot ráidočiekčamat Finnmárkkus. Nordlys vuittii 5-1 Hámmárfeasta vuostá.

Almmuhuvvon ikte, dii. 11:28 Borgemánu 20. beaivi 2017

Politiijat leat ohcamin muhtin nissona Sállanis, gii láhppui go lei vázzintuvrras.

Almmuhuvvon ikte, dii. 10:30 Borgemánu 20. beaivi 2017

Politiijat dáhttot veahki ohcat láhppon olbmo.

Almmuhuvvon ikte, dii. 09:53 Borgemánu 20. beaivi 2017

Ikte váldui 25 jahkásaš dievdu lobiheamet vuodjimin meahcis.

Almmuhuvvon ikte, dii. 09:36 Borgemánu 20. beaivi 2017

Timimie Märak illuda go viibmat beassá dánsestit queer feastadoaluin odne eahkedis Anáris, maŋŋel go lea garrasit bargan dan njeallje maŋemus mánu. Queer-sápmelaččat muitalit maiddái ahte lea álkit eallit homofiilan odne.

19:58 Borgemánu 19. beaivi 2017

Dál lea dat áigodat goas ollu studeanttat fárrejit vuosttas geardde sierra orrut, eret váhnemiid ruovttus. Dalle lea dieđus ollu maid ferte vuoruhit. Muhto studeanttat eai dárbbaš gal giksašuvvat ijaid jus eai leat máksán dáhkádusa.

11:45 Borgemánu 19. beaivi 2017

Geahča govaid dán jagáš Sápmi Pride ráidovázzimis.

18:44 Borgemánu 19. beaivi 2017