Mannan ija dáhpáhusat

Finnmárkku politiijaguovlu dieđiha Twitteris ahte leamaš vuot jaskes idja, dušše muhtin juhkanvuođadáhpáhusat moatti guovllus maid politiijat čovde álkidit.

09:52 Njukčamánu 12. beaivi 2017
Ođastuvvon: 13.03.2017 - 08:39

ÁLTTÁS
Diibmu 4.36: Politiijat šadde doalvut muhtin juhkan nuora ruoktot mannan ija.

Vehá maŋŋelaš dii 4.40 bissehedje politiijat muhtin biilla mas eai lean šilttat, biillain lei muhtin nuorra vuodjimin, son váidojuvvo.

 

VÁRGGÁIN
Diibmu 3.17: Politiijat váidet guokte albmá go gávnnahalaiga gužžadeamen olgun almmolaččat.

 

KIRKONJÁRGGAS
Diibmu 2.53: Muhtin olgobáikkis dieđihuvvui ahte sis lea guossi gii ii sáhte iežas áimmahuššat.

Politiijat gohččo guossi guođđit gávpotguovddáža. Ledje oahppásat geat válde sus vára.

 

BEARRALVÁKKIS
Diibmu 1.27: Politiijat dolvo muhtin 31 jahkásaš albmá ruoktot, almmái lei muhtin olgobáikkis rikkeren juhkanvuođas.

 

GILIVUONAS
Gilivuonas lei mannan ija promilladárkkisteapmi.

Politiijat dárkkistedje 8 biilavuoddji.

Ii ovttasge lean promilla.

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.
Fáddásánit
Ođđasat

På forsiden nå

Biilavuoddji ii bisánan go vujii bohcco njeaiga.

Almmuhuvvon odne, dii. 13:36 Suoidnemánu 23. beaivi 2017

550 olbmo Norggas sorbmejit iežaset juohke jagi. 75 proseantta sis leat almmáiolbmot. Dál čájehuvvo ahte dearvvašvuođaiskkadeapmi militearasešuvnnas sáhttá čielggadit geat sii leat.

Almmuhuvvon odne, dii. 13:27 Suoidnemánu 23. beaivi 2017

Juohke goalmmát pasieantta gii iežas elektronalaš journála lea lohkan, dovdá eanet oadjebassan go deaivvada dearvvašvuođalágádusain. Ođđa iskkadeapmi čájeha ahte lea olu ávki pasieanttaide beassat lohkat doaktáriid ja divššáriid veardidemiid. Dan dieđiha DIPS preassadieđáhusas.

Almmuhuvvon odne, dii. 14:38 Suoidnemánu 23. beaivi 2017

Politiijat leat dutkame vejolaš cahkkehemiid, guovtti barttas Gáivuonas, Romssas.

Almmuhuvvon odne, dii. 12:19 Suoidnemánu 23. beaivi 2017

Reastaluvvamat ealáhusain leat njiedjan 5,6 proseanttain diimmá jagi ektui. Dattege leat bággoheaitimat lassánan 14,3 proseanttain.

Almmuhuvvon odne, dii. 13:01 Suoidnemánu 23. beaivi 2017

Verddečiekčamiid finála vuoitti mearriduvvui maŋŋel gelddolaš ráŋggáštusčievččasteami gaskkal Sáivuomi siidda ja Skuohttanjárgga dievdoluohkás. Nissoniid luohkás vuoitte ges Ráisanieiddat. Geahča video:

Almmuhuvvon ikte, dii. 20:32 Suoidnemánu 22. beaivi 2017

Verddečiekčamiid leat unnon joavkut ja lágideaddjit oidnet hástalussan buolva molsuma mii čiekčamiin dál dáhpáhuvvo, ja áigot ain geahččalit nuorat olbmuid geasuhit searvat.

Almmuhuvvon ikte, dii. 12:45 Suoidnemánu 22. beaivi 2017

Stuorra sámi álgoálbmot risttalaš konferánssa lágiduvvo Lákšjogas Deanus ja leat sullii 700 olbmo geat oassálastet konferánsii. Lágideaddji Arild Måsø lohká soai eaba gal vuollánan eamidiinnis Ragnhildain, vaikke vuosttaš jagi bohte dušše 12 olbmo konferánsii. Dál njeallje jagi maŋŋá soai leaba ge lihkostuvvan doaluiguin.

Almmuhuvvon ikte, dii. 12:02 Suoidnemánu 22. beaivi 2017

Sámedikki doaibmi presideanta Mariann Wollmann Magga čállá suoidnemánu 22. beaivvi leat dáhtoniin man ii goassege vajálduhte.

Almmuhuvvon ikte, dii. 11:33 Suoidnemánu 22. beaivi 2017

Gottii stuorraluosaid.

Almmuhuvvon ikte, dii. 11:54 Suoidnemánu 22. beaivi 2017

Namma: Anna Nedrejord

Ahki: 17

Guovlu: Kárášjohka

Almmuhuvvon ikte, dii. 10:21 Suoidnemánu 22. beaivi 2017

Álttás galget muittašit dán lossa ja váivves dáhpáhusa mii dáhpáhuvai Oslos ja Utøyas guhtta jagi áige.

Almmuhuvvon ikte, dii. 10:15 Suoidnemánu 22. beaivi 2017

Máŋgga sajis Norggas dárbbahit politiijat earáin veahki go lihkohisvuođat gevvet mearas. Politiijadirektoráhta mieđiha ahte sis lea heitot dilli go lea sáhka beassat lihkohisvuođaide mearas.

Almmuhuvvon ikte, dii. 10:20 Suoidnemánu 22. beaivi 2017
20:38 Suoidnemánu 21. beaivi 2017