BEASAI GOLLEFINÁLII: «Elin & The Woods» beasai gitta gollefinálii Melodi Grand Prix gilvvus. Norgga álbmot jienastii joavkku goalmmádin. Govva: Fredrik Varfjell / NTB Scanpix

Goappaš sámi lávlagat goalmmádin

«Elin & The Woods» šattia goalmmádin Melodi Grand Prix gilvvus. Dan seamma šattai Jon Henrik Fjällgren Ruoŧa beale gilvvuin.

23:33 Njukčamánu 11. beaivi 2017

Lávvordaga eahket lei sihke Norgga Melodi Grand Prix(MGP) gilvu, ja Ruoŧa Melodifestivalen gilvu.

Kárášjohkalaš Elin Kåven searvvai MGPii su ođđa joavkkuin «Elin & The Woods». Lávlagiin «Oadjebasvuhtii» šattai joavku goalmmádin MGP finálas.

 

JOWST joavku vuittii MGP, «Grab The Moment» lávlagiin.

 

Ii šaddan sámi deaivvadeapmi Kievas

Lei doaivva ahte livčče sáhttit šaddat sámi finála Eurovisionas, go sihke Norggas ja Ruoŧas ledje sámi artisttat mielde.

Ruoŧa gilvvuin lei Jon Henrik Fjällgren mielde.

Odne čielggai ahte ii goabbá ge sámi artista beasa Kievii, Ukrainai searvat Eurohpá gilvvuide.

Jon Henrik Fjällgren ja Aninia šattaiga maid goalmmádin.

 

Beasai gollefinálii

Elin & The Woods lei okta njealji joavkkus geat besse MGP gollefinálii.

Dohko lei Eurohpá jury ja álbmot jienastan vuitiid.

Go gollefinála oasseváldit almmuhuvvojedje, galggai álbmot ođđasit jienastit gean háliidit Norgga ovddasteaddjin Eurovision gilvvus.

 

Diimmá vuoiti

Elin Kåven ii lean áidna sápmelaš MGP lávddi alde dán jagi.

Diimmá MGP vuoiti, Unjárgalaš Agnete Johnsen guoimmuhii bottus, ja lávllui diimmá vuoitolávlaga «Icebreaker».

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.
Fáddásánit
Kultuvra

På forsiden nå

NBR jođiheaddji evttoha ahte boazodoalli galgá sáhttit duššo riŋgestit Fylkkamánnái jus olu goaskimat leat ealu alde, ja lohkat ahte ferte báhčit. – Otná njuolggádusaid mielde ii leat dat nu álki, lohká Finnmárkku fylkkamánni Biras- ja dálkkádatossodaga sekšuvdnajođiheaddji

Almmuhuvvon ikte, dii. 15:29 Miessemánu 26. beaivi 2017

Boazoeaiggáda Aslak Mathis Turi mielas ii doaimma dálá boraspirehálddašeapmi, ja sus ii leat makkárge vuohki várjalit iežas bohccuid meahcceelliid vuostá. Son jáhkká buoremus livččii jus boazoeaiggádat beasaše hálddašit boraspiriid.

Almmuhuvvon ikte, dii. 10:00 Miessemánu 26. beaivi 2017

Riddu Riđđu festiválas ii leat dušše musihkka guovddážis. Sii loktejit máŋggabealatvuođa álgoálbmotmáilmmis, ja digaštallet hástalusaid mat leat Sámis ja eará álgoálbmogiin.

Almmuhuvvon ikte, dii. 11:22 Miessemánu 26. beaivi 2017

Boahtte vahkus deaivvada Sámediggi giellaguovddážiiguin bargobádjái digaštallat mo galget seailluhit sámegiella ja hutkát mo nagodit olahit mihttu oažžut 30 000 sámegielhálli.

Almmuhuvvon ikte, dii. 10:56 Miessemánu 26. beaivi 2017

Norgga Sámiid Riikkasearvi lea mearridan ovddidit duohtavuođa- ja seanadankommišuvnna hoahppoáššin Sámedikki dievasčoahkkimii boahtte vahkus.

Almmuhuvvon ikte, dii. 10:28 Miessemánu 26. beaivi 2017

Goas jiekŋa manná, lea giđa stuorámus dáhpáhus Deanuleagis, dat mearkkaša ahte luossabidvu láhkona. Olbmot leat vuorddašeame goas de sáhttet čoahkkanit Vuolle-Geavgŋái geahččat makkár fámut leat jođus go jiekŋa mánná.

12:04 Miessemánu 25. beaivi 2017

Eaktodáhtolaš organisašuvnnaid ovttasbargosearvi Frivillighet Norge lea máŋga jagi bagadallan suohkaniid movt eaktodáhtolašpolitihka galgá hábmet.

12:34 Miessemánu 25. beaivi 2017

Maŋemuš 20 jagi leat politiijain leamaš náhkkejáhkat. Dál molsojuvvojot, ja politiijat ožžot eanet doaibmi ja heivehuvvon jáhkaid.

11:00 Miessemánu 25. beaivi 2017

Ealáhusdoallit galget sádden vearrodieđáhusa ovdal miessemánu 31. beaivvi. Jus dan áigemearrái ii olle, de sáhttá oažžut bággosáhku.

11:32 Miessemánu 25. beaivi 2017

Muhtun Finnmárkku dievdu lea áššáskuhtton go galgá mánáidis bággen leahkit olgun buollašis unnán biktasiiguin. Son galgá maid nihttán čuohppat eret suorpmaid ovtta mánás.

10:43 Miessemánu 25. beaivi 2017

Guovdageainnu suohkan leat mearridan dál goas dán jagáš lodden šaddá.

15:50 Miessemánu 24. beaivi 2017

Finnmárkku boanddat ledje maid searvan miellačájeheapmai Oslos maŋŋebárgga. Sii vuosttaldit ráđđehusa árvalusa ahte geahpedit boanddaid dietnasa.

15:16 Miessemánu 24. beaivi 2017

Geaidnopolitiijat leat dárkkistan leahtu biillain Girkonjárgga guovddážis.

15:21 Miessemánu 24. beaivi 2017

36-jahkásaš dorvoohcci, Rwandas eret, lea Davvi-Romssa diggegottis dubmehallan 13 jagi giddagassii go lea niibbiin goddán iežas ovddeš moarsi diimmá geasi.

12:05 Miessemánu 24. beaivi 2017