Bearjadaga vuolláičálle ođđa muohtačorgenšiehtadusaid Álttás. Gurut bealde Kurt Eriksen (Stáhta geaidnodoaimmahat), Knut Bakkemo (NCC), Per William Hermansen (Kautomaskin), Jan Nilsen (Mesta) ja Oddbjørg Mikkelsen (Stáhta geaidnodoaimmahat). Anlegg Nord AS ja Roy Yngve Thomassen AS ovddasteaddji eai lean mielde šiehtadusvuolláičállimis. Govva: Stáhta geaidnodoaimmahaga preassagovva.

Dát ožžo muohtačorgen­barggu

Stáhta geaidnodoaimmahat čálii mannan bearjadaga 150 miljovnna ovddas muohtačorgenšiehtadusaid.

11:09 Njukčamánu 19. beaivi 2017
Ođastuvvon: 19.03.2017 - 11:38

Stáhta geaidnodoaimmahat lea dál čállán šiehtadusaid Guovdageainnu, Álttá, Láhpi ja Ákŋoluovtta muohtačorgenbargguide. Šiehtadusaid árvu lea oktiibuot 150 miljovnna ruvnno (earret momssa). Oktiibuot lea 616 kilomehtera luottat main galget čorget muohttaga, 245 kilomehtera fylkkaluottat ja 31 kilomehtera vázzin- ja sihkkelastinluottat.

 

Mávssolaš šiehtadusat

Šiehtadusat galget gustot vihtta jagi, ja Stáhta geaidnodoaimmahat lohká ge šiehtadusaid hui mávssolažžan.

 – Doaimmahit ja áimmahuššat luottaid lea Stáhta geaidnodoaimmahaga váldobargu, ja dát šiehtadusat bistet máŋga jagi. Dan dihte leat dát hui mávssolaš šiehtadusat, lohká Finnmárkku Stáhta geaidnodoaimmahaga ossodatdirektevra Oddbjørg Mikkelsen preassadieđáhusa bokte.

 

Viđa jahkái šiehtadusat

Stáhta geaidnodoaimmahat oaččui sullii 3-6 fálaldaga juohke šiehtadusguvlui, ja leat entreprenevrrat mat fállet hálbbimus fálaldaga mat dál leat ožžon šiehtadusa. Sihke báikkálaš ja našuvnnalaš entreprenevrrat lea sádden fálaldaga.

 

Njeallje ođđa muohtačorgejeaddji

Ođđa šiehtadusat gustojit vihtta jagi, áigodagas čakčamánu 1. beaivvi 2017:s gitta 2022 rádjái. Roy Yngve Thomassen oaččui ođastuvvot iežas šiehtadusa čorget muohttaga Láhpis ja Ákŋoluovttas, ja earát leat ođđa entreprenevrrat iežaset muohtačorgenguovllus.

 

Geat ožžo šiehtadusa

Guovdageainnus galgá Kautomaskin AS čorget muohttaga (22 milj.), Mázes Anlegg Nord AS (16,9 milj.), Álttás NCC Norge AS (39,9 milj.), Lákkovuonas Mesta Drift AS (25,7 milj.) ja Láhpis ja Ákŋoluovttas Roy Yngve Thomassen AS (44,7 milj.). Supmis ii lea lassiárvodivat mielde.

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.
Fáddásánit
Ođđasat

På forsiden nå

Disdaga rájes leat Norggas báhčán oktiibuot 12 geatkki, maiddái Deanus.

Almmuhuvvon ikte, dii. 11:55 Cuoŋománu 30. beaivi 2017

Boazoeaiggádat váivašuvvet go lea nu olu lobihis skutervuodjin sin orohaga guottetbáikkis.

Almmuhuvvon ikte, dii. 11:06 Cuoŋománu 30. beaivi 2017

Mannan ija lea Finnmárkku politiijain leamaš olu bargu.

Almmuhuvvon ikte, dii. 09:57 Cuoŋománu 30. beaivi 2017

Visti bulii measta visot.

Almmuhuvvon ikte, dii. 09:17 Cuoŋománu 30. beaivi 2017

Muohtaskutervuoddji sáddejuvvon UNN:i go lea bávččagahttán oaivvi.

12:02 Cuoŋománu 29. beaivi 2017

Dál lea vel moadde beaivvi vejolaš dárkkistit ja rievdadit vearrodieđáhusa.

11:24 Cuoŋománu 29. beaivi 2017

Ikte eahket almmuhedje geat dán jagi besset bivdit ealggaid Finnmárkkus.

10:48 Cuoŋománu 29. beaivi 2017

Monnebálkut ja gárrenolbmot barggahan politiijaid.

09:54 Cuoŋománu 29. beaivi 2017

Jovsset Ante Sara oabbá, dáiddár Máret Anne, gii lea dáidagiinnis bokte dorjon ja čalmmustahttán vieljastis lágastemiid stáhta vuostá, lea hirbmosit beahtahallan go stáhta dál lea guoddalan lágamánnerievtti duomu.

15:23 Cuoŋománu 28. beaivi 2017

Čakčat álggahuvvo sámi ja kvena giellaguovddáš Návvutnii Davvi-Romsii.

16:17 Cuoŋománu 28. beaivi 2017

Nu lohká NRK Sámi almmuhanredaktevra Pål Hivand «Giđđajohtin minuhtas minuhttii» TV-ráiddu birra. Iđđes lei románttalaš govva TV-šearpmas, Hivand lohká ahte fuomášupmi, mii bođii sosiála mediain dan maŋŋil, čájeha ahte álbmot ráhkásnuvai vel eambbo sidjiide.

13:51 Cuoŋománu 28. beaivi 2017

Finnmárkku fylkkagielda lea odne ovddidan cealkámuša Stuoradikki fievrráduslávdegoddái Našunála fievrrádusplána birra. Fylkkagielda háliida buoridit riikkageainnu 94, mii manná Hammerfeastta ja Skáiddi gaskka.

17:03 Cuoŋománu 28. beaivi 2017

NAV muitala ahte rabas geassebarggut leat gávdnamis nav.no siiddus, nu go dearvvašvuođa-, dikšo- ja fuolahussuorggis, párkadoaimmahagas ja ollu eará.

15:04 Cuoŋománu 28. beaivi 2017

Odne almmuhuvvojit ealgavuorbádeami bohtosat.

14:23 Cuoŋománu 28. beaivi 2017