Leif Bruland ja Ronny Lukkari geavaheaba iežat luomu vuoddjit láhttuid Finnmarksløpets beanagilvvuide. Lukkari lohká leat dehálaš veahkihit go son oaidná man olu beanavuoddjit rahčet váriid badjel beassat mollii. Silje Malene Varsi govven.

Várre golbma vahku Finnmarksløpet gilvui

Ronny Lukkari ja Leif Bruland váldiba juohke jagi golbma vahku luomu barggus vai beassaba veahkehit vuodjit láhttuid Finnmarksløpet beanagilvvuide, nu soai dahkaba boahtte jagáš Finnmarksløpet beanagilvvuin maid.

14:12 Njukčamánu 17. beaivi 2017
Ođastuvvon: 17.03.2017 - 14:13

Sirbmálaš Ronny Lukkari lea vuodján gávcci jagi láhttuid Finnmarksløpet beanagilvvuide ja son lea láhttovuodjima oktavuođas beassan jávrriin oaggut maidda son ovdal dušše beasai niegadit vuolgit.

– Lea hui buorre vuohki veahkehit vuodjit láhttuid ja seammás beasan bisánit oaggut jávrriin gos muđui in livčče beassan vuodjit, lohká Ronny Lukkari, gii váldá permišuvnna barggus Romssas vai beassá boahtit ruoktot Sirbmái vuodjit láhttuid beanavuddjiide.

– Mun válddán golbma vahku friddja barggus vai beasan leat dás mielde. Mus lea leamašan hui šiegas bargoaddi go addá munnje permišuvnna. Mu mielas lea dehálaš veahkehit ja lea somá oaidnit go ná olu olbmot čoahkkanit deike Sirbmái, lohká Lukkari.


Láhttovuoddjit álge vuodjit láhttuid beanagilvvuide guokte vahku ovdal ja sii leat vásihan olu dálkkiid sihke ovdal ja gilvvuin. Ronny Lukkari govven.

Báhcán muitui

Okta vásáhus man Lukkari muitá bures lea go okta beanavuoddji fálai sin váldit fárrui go ledje darvánan várrái.

– Dan maid mun muittán hui bures lei go áltálaš Roger Dahl bođii fáhkka, huikkihii ja jearai «gánddat, áigubehtet go háiket mu fárrui». Mii leimmet darvánan skuteriin eat ge beassan eat gosa ge. Dan gal muittán hui bures go beanavuoddji bođii dasa ja áiggui váldit min fárrui, mii lei hui erenomáš, lohká son.  


Beatnatráiddut vuoŋŋasteamen ovdal go vuoddjájit Sirpmás Leavvajohkii. Silje Malene Varsi govven.

Jáhkkemeahttun maid nákcejit

Son lohká leat somán oahpásmuvvat beanavuddjiin ja son lohká leat jáhkkemeahttumin maid sii nákcejit bargat.

– Lea somá oahpásmuvvat beanavuddjiin ja guldalit sin historjjáid, seamma lea somá oaidnit man olu sii rahčet váriid badjel ja duođai nákcejit joavdat Álttás Girkonjárgii ja Girkonjárggas fas Áltái mollii. Dat gal lea áibbas jáhkkemeahttun go lea nu guhkki. Oažžu smiehttat jus Romssas vuoddjá biillain dohko Girkonjárgii ja doalaha 20 kilomehtera diimmus, de gal jallu ovdal go olle Supmii.

 

Vuodján 200 miilla Sirbmái veahkehit


Leif Bruland lea vuodján 200 miilla Sirbmái Sjåkas Opplánddas, vai beassá veahkehit iežas fulkkiid Sirpmá bisánanbáikkis. Govven: Silje Malene Varsi

Leif Bruland lea vuodján 200 miilla Sirbmái Sjåkas Opplánddas vai beassá veahkehit iežas fulkkiid Sirpmá bisánanbáikkis.

Leaba Magnus Varsi ja Máret Bruland Varsi geat leaba doaimmahan Finnmarksløpet Sirpmá bisánanbáikki 2004 rájes.

Son lohká dál leat njealját jahki go lea Sirpmás veahkeheamen.

– Mus lea alddán beroštupmi beatnagiidda ja Máret, gii orru dás, lea mu siessá. Mun geavahan golbma vahku iežan luomus boahtit deike veahkehit Ronny, Máreha ja Magnusa Sirpmá bisánanbáikkis. Lean váldán iežan beatnagiid maid mielde ja lean vuodján 200 miilla deike vai beasan veahkehit, dadjá son.

 

Vuosttaš háve dálkkiid čađa

Son lea vuodján láhttuid Finnmarksløpet beanagilvvuide ja lohká leamašan gelddolažžan beassat vuodjit čađa garra dálkkiid.

– Lea somá beassat vuodjit láhttuid, muhto leat maiddái hástalusat erenomážit dál go leat leamašan dákkár garra dálkkit. Lei gelddolaš vuodjit go olmmoš ii oainne dihkás dihkkái, dalle ferte konsentreret čuovvut GPS-rusttega ja mo siivu lea, dalle váibá oaivi go ferte nákcet dan dahkat. Lea vuosttaš háve go lean vásihan ahte lea leamaš ná garra dálki. Mii leimmet golbma láhttovuoddji ja mii doaimmaimet bures ovttas ja dalle ii lean mihkkige heđiid, lohká Leif Bruland.


Láhttovuoddjit govvejedje dán gova go vudje ovddal beanavuddjiid Sirbmás Leavvajohkii duorastaga iđida. Govva váldui oarjábeale Borsevuomi. Govven: Odd J. Resser.

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.

På forsiden nå

Almmuhuvvon ikte, dii. 16:04 Borgemánu 17. beaivi 2017

Sámi mánáin ja ohppiin leat nu boares oahpponeavvut ahte eai ollašuhte oahppoplána gáibá­dusaid. Olu jagiid leat oahpaheaddjit ieža gártan buvttadit dohkálaš oahpponeavvuid. Sámi oahpa­husfierpmádat oaivvilda ahte lea áigi geahčadit buvttadanvuogádaga vai oahpponeavvobuvttadeapmi šattašii njuovžileabbon.

Almmuhuvvon ikte, dii. 15:00 Borgemánu 17. beaivi 2017

Vaikko Statskog lea divodan máŋga bartta geasset, de dieđihit sii ahte dan dihte leat láigohan seamma ollu barttaid go diimmá geasi, vaikko soames barttat ledje gitta. Dál rahpasa vel okta barta olbmuide.

Almmuhuvvon ikte, dii. 15:29 Borgemánu 17. beaivi 2017

Nuorttabealde ráji, Ahkkánjárgga lahka, Loktačohkka várrestašuvnnas Ruoŧas, lea borgan mannan ija.

Almmuhuvvon ikte, dii. 15:20 Borgemánu 17. beaivi 2017

– Vihtaniid áicamat čujuhit dan guvlui ahte lihkohisvuohta dáhpáhuvai geaidnorasttildanbáikki alde, muitala Guovdageainnu politiija Anita Vasara.

Almmuhuvvon ikte, dii. 11:36 Borgemánu 17. beaivi 2017

Politiijat galget bissehan dievddu geas lei beare leahttu biillain.

Almmuhuvvon ikte, dii. 14:43 Borgemánu 17. beaivi 2017

Geahččit jáhkke ahte Nordlys IL galggai vuoitit spábbačiekčangilvvu ja šaddat duoddara searran, muhto Guovdageainnu spábbačiekčanjoavku surgehii sin ja čikče dássálaga Nordlysain. 

Almmuhuvvon ikte, dii. 10:57 Borgemánu 17. beaivi 2017
SÁPMI PRIDE JA IJAHIS IDJA DÁN VAHKKOLOAHPA:

Sihke Sápmi Pride ja Ijahis Idja festivála čohkke olbmuid Anárii dán vahkkoloahpa. Sápmi Pride -lágideaddjit illudit go Pride doalut leat vuosttaš geardde Suoma beal Sámis.

Almmuhuvvon ikte, dii. 10:27 Borgemánu 17. beaivi 2017

Árjja vuosttaškandidáhta Viesttarmeara válgabiirres, Ronald Kvernmo, oaivvilda boazodoalloháldda­šeami galggašii sirdit Fylkkamánnis ja Eanandoallo­direktoráhtas Sámediggái.

Almmuhuvvon ikte, dii. 09:36 Borgemánu 17. beaivi 2017

UiT Norgga Árktalaš universitehtas eai leamaš goassege nu olu oahpaheddjiidstudeanttat go dán jagi. Norggas vásihit eará oahppobáikkit ahte beroštupmi njiedjá oahpaheddjiidohppui.

Almmuhuvvon ikte, dii. 10:42 Borgemánu 17. beaivi 2017
Nieiddaš vuddjon Guovdageainnus:

Nieiddaš, gii vuddjui gaskavahku sullii 15:00 áigge Guovdageainnus, lea dolvojuvvon helikopteriin UNN buohccivissui Romsii.

15:31 Borgemánu 16. beaivi 2017

Ohcejohkii leat dál čoahkkanan Deanočázádaga guolástanvuoigatvuođalaččat ságastallat movt galget viidáseappot bargat soahpamušain maid eai dohkket.

15:20 Borgemánu 16. beaivi 2017

Sámeálbmot Bellodat álggahii maŋŋebárgga válgga­bargguid Kárášjogas, márkanguovddážis. John Henrik Eira, gii lea vuosttaševttohas Ávjovári válga­biirres, muitala bellodaga deháleamos oainnuid.

Almmuhuvvon ikte, dii. 09:48 Borgemánu 17. beaivi 2017

Vujii 127km/d 90-rájis. Dál leat politiiját váidán dievddu.

15:28 Borgemánu 16. beaivi 2017