MEASTA NJUORASMUVAI: Norgga Sámiid Riikkasearvvi parlamentáralaš jođiheaddjis Aili Keskitalos (olgešbealde) lei hui erenoamáš boddu Metodistagirku olggobealde, gos čuoččui ovttas Norgga stáhtaministtar Erna Solbergin ja Suohkan- ja ođasmahttinministtar Jan Tore Sannerin. Govven: Nils Johan Vars

– Mus bođii našunáladovdu!

NSR presideantaevttohas logai alddis našunáladovddu go Metodistagirku olggobealde čuoččui Sámi álbmotbeaivvi 100-jagi ávvudeami oktavuođas.

14:37 Guovvamánu 06. beaivi 2017
Ođastuvvon: 06.02.2017 - 14:37

Guovvamánu 6. beaivvi 2017:s lea 100-jagi áigi go vuosttaš sámi konferánsa dollui Troandimis, Davvi-Trøndelágas.

Dat lea ge duogáš manin guovvamánu 6. beaivvi ávvuduvvo Sámi álbmotbeaivin.

Dan beaivvi dollui čalmmustahttin olggobealde dan girku gos vuosttaš sámekonferánsa lágiduvvui 100 jagi áigi. Girku lusa ledje čoagganan issoras olu olbmot, juohke sámeguovllu gávttehasat ledje doppe.


Norgga Sámiid Riikkasearvvi parlamentáralaš jođiheaddjis Aili Keskitalos lei hui erenoamáš boddu Metodistagirku olggobealde.
Govven: Nils Johan Vars

 

Measta njuorasmuvai
Norgga Sámiid Riikkasearvvi presideantaevttohas, gii maiddái lea ávvudeami bargojoavkkus, Aili Keskitalo, lei diehttelasat čalmmustahttimis, ja son muitala alddis erenoamáš dovddu leamaš dan botta.

– Juo, mun measta njuorasmuvven. Mus bođii dakkár dovdu juste dalle, ja dat lei várra dat našunáladovdu mus, muitala son.

Keskitalo lei moddjái dego beaivváš ja dovdui maid jearahallamis ahte sus leat garra dovddut juste odne.


Norgga stáhtaminister Erna Solberg ja Sámi Ofelaš Ole Nicklas Mienna. Ofelaččat ledje geat vázze stáhtaministáriin Metodistgirkus Troandima Torgii.
Govven: Nils Johan Vars

 

Buorre dovdu
Norgga stáhtaministtar Erna Solberg sávai Ávvira lohkkiide lihku beivviin, ja logai alddis hui buori dovddu leat Troandimis juste dál.

– Dat lei historjjálaš báiki gos leimmet, lei hui buorre dovdu mus dan botta go čalmmustuvvui 100 jagi ávvudeapmi, juste dan báikkis gos dat vuosttaš čoahkkin lei 1917:s, logai son.

Solberg gesii maid ovdan Sámi ofelaččaid, geaiguin son lea hui rámis go dat ortnet ásahuvvui dalle go son lei sámeministtar.

– Lea okta dain diŋggain mainna lean hui rámis go dat ortnet lea ásahuvvon, lohká son.

 

Olu dagakeahtas
Suohkan- ja ođasmahttinministtar Jan Tore Sanner logai sámiin olu ovdánan dán 100 jagis.

– Lei hui erenoamáš leat dáppe juste dál ja dás čuožžut, ja čalmmustahttit sin geat dás ledje 100 jagi áigi vuosttaš sámekonferánssas, lohká son.

Sanner mieđiha ahte leat vuos guhkkin eret olihit dohko gosa háliidit.

– Olu lea vuos dagakeahtas, muhto mii johtit rivttes guvlui, dakkár dovdu lea mus, deattuha son.


Troandima suohkana sátnejođiheaddji, Rita Ottervik.
Govven: Nils Johan Vars

Sámekultuvra oassi gávpogis
Troandima suohkana sátnejođiheaddji, Rita Ottervik, lei coggan ulloliinni badjelii Sámi álbmotbeaivvi.

– Juo, dat lea čalmmustahttin dihte ahte Lulli-Sámi álbmot lea oassin min gávpogis, ja dainna lean mun hui rámis. Odne mun moddján bealjis bealljái, ja nu issoras fiinna dálki vel. Dákkár dálkkiin eat gal leat mii hárjánan Troandimis dán muttos áigge, lohká son

Troandimis jotket iešguđetlágan doalut ja čoahkkimat olles vahku.

 

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.
Fáddásánit
Ođđasat

Ovdasiiddus dál

Stuorradiggi dohkkehii otne ođđa Deanosoahpamuša. 

Almmuhuvvon ikte, dii. 15:42 Njukčamánu 28. beaivi 2017
Kronihkka:

Norgga našuvnnalaš olmmošvuoigatvuohtaásahus (Našuvnnalaš ásahus) oaivvilda ahte mearrasámiid guolástanriekti, mii lea vuođustuvvon sin historjjálaš geavaheapmái, berre lágain nannejuvvot.

Almmuhuvvon ikte, dii. 15:33 Njukčamánu 28. beaivi 2017
Davvikalohtta musihkkaseaguhus Riddu Riđđui:

Golbma artista geain lea olles máilbmi vuordimis, leat gergosat lávket Riddu lávdái dán geasi. Buohkat leat Davvi-Norggas eret, ja Riddu Riđu hoavda jáhkká bures duoldat lávddi ovddabealde.

Almmuhuvvon ikte, dii. 15:41 Njukčamánu 28. beaivi 2017

Norgga Sámiid Riikkasearvi almmuha Viesttarmeara válgabiire listoevttohasaid Sámediggeválgii.

Almmuhuvvon ikte, dii. 15:33 Njukčamánu 28. beaivi 2017

Máŋga čuođi duhát olbmo borret dálkasiid mat leat várálaččat johtolahkii.

Almmuhuvvon ikte, dii. 15:11 Njukčamánu 28. beaivi 2017

Gáivuona suohkan lea gidden buot skuterláhtuid go lea alla uđasvárra.

Almmuhuvvon ikte, dii. 14:59 Njukčamánu 28. beaivi 2017

Sotnabeaivve guolddut dagahedje bárttiid, Šuoššjávrre ja Gievdneguoikka gaskkas ledje máŋga biilla darvánan. Inger Anita Øvregård muitala muohtačorgejeaddji seavván biillaid meaddil, ja biillat de darvánedje jovgon geainnuide. GEAHČA VIDEO:

13:51 Njukčamánu 27. beaivi 2017
Ministtar galleda skuvllaid Davvi-Norggas:

Torbjørn Røe Isaksen lea mátkkis Bådådjos, Romssas ja Álttás ihttin ja gaskavahkku. Mátkki ulbmil lea čovdosiid gávdnat Davvi-Norgga oahpaheaddjedárbbuide.

15:28 Njukčamánu 27. beaivi 2017
Sámeálbmot bellodaga Lulli-Norgga válgabiire sámediggelisttu:

Sámeálbmot Bellodaga lea almmuhan sámediggeválgii 7. válgabiirre listtu. Ann Finbog lea listu njunuš, ja sus leat máŋga beakkálmasa fárus listtus.

14:40 Njukčamánu 27. beaivi 2017
DNB lea vuovdán Dakota-oljorevrre loana:

DNB lea skábmamánu rájes árvvoštallan makkár čanastagat sis galget leat Dakota Access Pipeline prošeaktadoarjagis. Báŋku lea dál šiehtadan vuovdit iežaset oasi loanas.

10:32 Njukčamánu 27. beaivi 2017

Eai buohkat vuosttal Deanosoahpamuša. Stággobivdi Tor Georg Næss lohká soahpamuš ii leat perfeakta, muhto sávvá ahte dohkkehuvvo.

12:29 Njukčamánu 25. beaivi 2017

Dán jagáš Gollegiehtan šattai guovdageaidnulaš Mikkel Mathis Hætta. Heahtá Márjjábeivviin njoarostii son nuppes ođđa vuojána alcces. Geahča video áššis go vuoddjá vuoitovuojániin!

14:29 Njukčamánu 26. beaivi 2017

Davvi-Norggas leat olu luottat gitta, Suoidneleavššus lea ráidovuodjin.

13:16 Njukčamánu 26. beaivi 2017

Geir A. Iversen válljejuvvui vuosttaš várreláhttun Guovddašbellodaga riikkačoahkkimis.

13:52 Njukčamánu 26. beaivi 2017