Tråante 2017 gulahallanovddasvástideaddji Johanne Sundby (gurutbealde), buvttadeaddji Kari Thorvik ja prošeaktajođiheaddji Ida Marie Bransfjell. Govven: Jan Roger Østby/Sámediggi

– Sápmelaččat galget illudit ja čevllohallat

Sápmelaččat leat olu váivviid čađa mannan, muhto 100-jagi ávvudeamis čalmmustahttet buot buriid maid sámit leat olahan.

09:02 Golggotmánu 05. beaivi 2016
Ođastuvvon: 05.10.2016 - 09:51

Boahtte jahki lea sápmelaččaid ávvujahki. Leat gollan 100 jagi dan rájes go sápmelaččaid vuosttaš riikkačoahkkin lágiduvvui Troanddimis.

Seamma gávpogii čoahkkanit fas sápmelaččat guovvamánus, olles vahkku galget iežaset ávvudit.

– Sámit bohtet dál maid buot njealji riikkas, dasa lassin leat bovden olu gussiid, lohká Tråante 2017 gulahallanovddasvástideaddji Johanne Sundby.

 

Almmolaš guossit

Tråante 2017 doalut leat guovtti oasis. Miehtá Sámi lágiduvvojit boahtte jagi doalut mat čalmmustahttet 100-jagi ávvudeami, ja Troanddimis leat doalut guovvamánu 5.-12. beaivái.

Lágideaddjit muitalit ahte doaluide bohtet maiddái almmolaš guossit.

– Mii leat bovden gonagaslaččaid maid, dadjá Sundby gii ii háliit vel muitalit maid gonagasviesus leat vástidan bovdehussii.

 

Áŋgiruššan ja sáhkkiivuohta

Tråante 2017 prošeaktajoavku lea galledan Kárášjoga.

Sii leat čoahkkinastán Sámedikkiin ja deaivvadan báikkálaččaiguin.

– Mii bovdiimet olbmuid diehtojuohkinčoahkkimii gosa sullii 20 olbmo čoahkkanedje. Mii gal leat hirbmat duđavačča. Olbmot čájehit sáhkkiivuođa ja sii áŋgiruššet. Čoahkkin lea hui ávkkálaš min bargui plánet ja čađahit doaluid, muitala Sundby.

 

Girjás prográmma

Ávvudoaluin lea girjás prográmma. Troanddimis lágiduvvojit olu politihkalaš čoahkkimat, muhto kulturdoaluide lea várrejuvvon olu sadji.

Sii fállet sihke teáhterčájálmasaid, konsearttaid ja girkostallamiid. Maiddái valáštallamii lea láhččon sadji ja guovdu Troanddima galget maid doalut.

– Mii leat olu jo plánen, muhto prográmma ii leat vel dievaslaš. Mii illudat sákka ávvudeapmái, lohká gulahallanovddasvástideaddji.

 

Sirdet doaluid

Olu gávpogiin ja báikkiin Norggas lágidit Sámi Álbmotbeaivvi oktavuođas Sámi vahkku.

Tråante 2017 lágiduvvo maid seamma áigodagas, muhto lágideaddjit muitalit ahte dát ii šatta nu stuora váttisvuohtan.

– Máŋgga báikkis leat sirdán doaluid nu ahte eai lágiduvvo oktanaga Tråante ávvudoaluin. Tråante 2017 han lea buot sámiid várás, ja danin leat eará lágideaddjit gulahallan minguin, dadjá Sundby.

 

Illudit ja čevllohallat

Vaikke sápmelaččat leat olahan viehka olu vuosttaš riikkačoahkkima rájes, de leat maiddái seavdnjadat bealit sámiid historjjás.

– Sámit leat badjelgehččojuvvon ja leat vásihan olu bákčasiid. Ávvudoaluin dattege háliidat čalmmustahttit ilu, mii háliidat ahte sámit galget čevllohallat go leat olu buriid ollašuhttán 100 jagis, dadjá Tråante 2017 gulahallanovddasvástideaddji Johanne Sundby.

 

Árvvusatnigohtet sámiid

Go ávvudit 100 jagi, de leat sámit bures oidnosis miehtá Troanddima gávpoga.

Sundby jáhkká gávpotássiid váldit sápmelaččaid bures vuostá.

– Troanddimis lea sámevuohta dađibahábut hui amas, muhto mun jáhkkán ávvudoaluid boktit olbmuid sáhkkiivuođa. Doaivumis ohppet eanet sámi kultuvrra ja historjjá birra. Ávvudoaluid dihte soitet maiddái olbmot eanet árvvusatnigoahtit sámiid, loahpaha son.

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.
Fáddásánit
Kultuvra

På forsiden nå

Sámedikkis leat almmuhuvvon logut mat čájehit makkár ahkejuogus jienasteaddjit leat, ja doppe boahtá ovdan ahte lea boarániid Sámediggi.

Almmuhuvvon ikte, dii. 15:58 Geassemánu 23. beaivi 2017

Lei 58-jahkásaš mohtorsihkkelvuoddji gii duššái E6 luottas Buktamoenis Málatvuomi suohkanis Romssas duorastaga eahket.

Almmuhuvvon ikte, dii. 17:13 Geassemánu 23. beaivi 2017

Jagi 2015 bohte birrasiid 5500 olbmo Storskog bokte geat ohce dorvvu Norggas. Measta buot ohcamušaid leat gieđahallan, ja 1109 leat ožžon dohkkehuvvot ohcama

Almmuhuvvon ikte, dii. 16:28 Geassemánu 23. beaivi 2017
Lávke sámepolitihkas departementii:

– Mun nu illudan ovttasbargat Frank Bakke-Jenseniin, lohká Olgešbellodaga ovddeš sámepolitihkalaš čálli Daniel Sørdahl gii mánnodaga lávke departemeantta kantuvrraide.

Almmuhuvvon ikte, dii. 16:07 Geassemánu 23. beaivi 2017
Mihcamárdolasteapmi Kárášjogas:

Kárášjoga gielda sihtá olbmuid dieđihit gosa sii áigot cahkkehit mihcamárdola.

Almmuhuvvon ikte, dii. 14:45 Geassemánu 23. beaivi 2017

Bártnit bártidit eambbo skuvllas go nieiddat.

Almmuhuvvon ikte, dii. 14:50 Geassemánu 23. beaivi 2017

Dá leat Guovdageainnu buollinčáskadanhoavdda ávžžuhusat otná beaivái.

Almmuhuvvon ikte, dii. 12:20 Geassemánu 23. beaivi 2017

Guovdageainnu suohkan kloreregođii ikte juhkančázi Guovdageainnu čáhcerusttegis.

Almmuhuvvon ikte, dii. 12:18 Geassemánu 23. beaivi 2017

Marit Kirsten Anti Gaup, Bargiidbellodat, oaččui juste nu go háliidii, go dagai iežas mearrádusa FeFo stivrras dálvet.

Almmuhuvvon ikte, dii. 08:55 Geassemánu 23. beaivi 2017

Finnmárkku Fylkkadiggi lea dohkkehan Davvi-Norgga kulturšiehtadusa 2018-2021.

Almmuhuvvon ikte, dii. 08:53 Geassemánu 23. beaivi 2017

Norgga Boazosápmelaččaid Riikkasearvi (NBR) leat lokten SNO/NOS-ášši Dálkká­dat- ja Birasgáhttendepartementii.

13:07 Geassemánu 22. beaivi 2017

Fágalaččat galgá psyhkalaš dearvvašvuođafuolahus ja gárrendili heahtefálaldat šaddat buoret bálvalussan Finnmárkkus. Dan mearridii Finnmárkku buohcciviesu stivra gaskavahkku.

18:19 Geassemánu 22. beaivi 2017

Dálkkádat- ja birasministtar Vidar Helgesen evttoha rievdadit njuolggadusaid mat gusket goaskimiid báhčimii. Álgovuorus lea geahččalanortnega birra sáhka.

15:29 Geassemánu 22. beaivi 2017

59-jahkásaš dievdu dubmehalai čohkkát 21 jagi go gottii iežas eamida ja su bártnáža Girkonjárggas diibmá. Dievdu guoddalii duomu, dieđiha NRK.

15:05 Geassemánu 22. beaivi 2017