Fred-René Øvergård Buljo oahpaha movt galgá ráp-lávlagiid ráhkadit, čállit sániid ja bidjat šuoŋa Ráp-bájis. Vuorkágovva

Oahpaha sámenuoraid ráppet

Oahpa ráppet Duolva duoddara ráppáris Fred-René Øvergård Buljos, guhte lágida ráp-báji nuoraide.

10:50 Golggotmánu 10. beaivi 2016
Ođastuvvon: 10.10.2016 - 10:51

Fred-René Øvergård Buljo oahpaha movt galgá ráp-lávlagiid ráhkadit, čállit sániid ja bidjat šuoŋa.

Ráp-bádji lea nuoraide gaskal 13-19 jagi.

 

Vejolaš báddet

Son váldá iežas báddenrusttegiid mielde vai lea vejolaš báddet ráp-lávlagiid maid ráhkadehpet. Nuorain lea maid vejolaš oahppat movt álkis «beataid» galgá ráhkadit dihtoris.

 

Movtiidahttá čállit sámegillii

Bargogiella lea davvisámegiella, prošeavttas háliidit movttiidahttit nuoraid iežaset čállit sámegillii ja addit nuoraide miela ja návccaid suokkardit sámegiela ráp-teavsttaid ráhkadeami čađa.  

Dát lea Guovdageainnu, Kárášjoga ja Porsáŋggu álbmotgirjerádjosiid ja joatkkaskuvllaid skuvlagirjerádjosiid ovttasbargoprošeakta.

Ráp-bájit lágiduvvojit golggotmánu 24. beaivvi Porsáŋggus, Kárášjogas 25. beaivvi ja Guovdageainnus 26. beaivvi. 

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.
Fáddásánit
Kultuvra

På forsiden nå

Dás beasat lohkat čoahkkáigeasu sámepolitihkalaš digaštallamis mii lágiduvvo Romssas.

Almmuhuvvon ikte, dii. 18:05 Borgemánu 23. beaivi 2017

Su mielas ledje deanosoahpamuša moaitámušat ja váilevašvuođat nu dehálaččat ahte son jienastii soahpa­muša oktavuođas iežas bellodaga vuostá, ja lea áidna guhte dan lea beassan dahkat dan áigo­dagas go Ovddádusbellodat lea ráđđehusas leamaš.

Almmuhuvvon ikte, dii. 14:59 Borgemánu 23. beaivi 2017

Moatti vahkus lea dieđihan ollu ruošša­luosaid Norgga jogain, ja stuorámus regi­streremat leat leamaš Finnmárkku jogain. Dát šládja lea vierisšlájaid čáhppeslistui merkejuvvon ja árvvoštallojuvvon leat «alla riska»-dásis.

Almmuhuvvon ikte, dii. 14:28 Borgemánu 23. beaivi 2017

Unjárgaláččat eai dárbbaš šat vuoššat čázi.

Almmuhuvvon ikte, dii. 14:34 Borgemánu 23. beaivi 2017

ČálliidLágádus Kárášjogas meinejit Ájluovta skuvllas, Divttasvuona suohkanis, presenteret julevsámegielat matematihkkagirjjiid Multi 1, 2 ja 3, mat leat heivehuvvon 1. gitta 3. luohkkái.

Almmuhuvvon ikte, dii. 14:32 Borgemánu 23. beaivi 2017

Finnmárkku sátnejođiheaddjit leat álggahan namma­vuolláičállinkampánjja, gos sii háliidit rievda­dit mearrádusa ahte Finnmárku ja Romsa galgá leat sierra regiovdnan.

Almmuhuvvon ikte, dii. 14:09 Borgemánu 23. beaivi 2017

Politiijat leat dál almmuhan nama nissonolbmos gii láhppui ja jámii vázzinmátkkis Sállanis, muhto eai sáhte vel muitalit siva birra.

Almmuhuvvon ikte, dii. 13:56 Borgemánu 23. beaivi 2017

Váhnemat čuoččuheaba iežaska máná givssiduvvon ja illastuvvon Bearalvági skuvllas ja gáibideigga suohkana máksit 2 miljovnna buhtadussan bártnážii. Suohkan áššehuvai ii ge dárbbašan máksit maidege sudnuide, go diggegoddi oaivvilda skuvlla dahkan buot maid sáhti nu ahte mánás, geas lea ADHD, lea buorre dilli skuvllas.

Almmuhuvvon ikte, dii. 13:50 Borgemánu 23. beaivi 2017

Borgemánu 21. beaivvi ja 22. beaivi lei Guovdageainnus diggeášši Hålogalándda Lágamannerievttis mas siidoasi eaiggát gáibida ­golbma miellahtu unnidit boazologu.

Almmuhuvvon ikte, dii. 12:34 Borgemánu 23. beaivi 2017

Sámedikki stuorámus bellodagain leat olu áŋgiris nuorat, ja sámediggepresideantaevttohasa guovttos dáhttuba olahit vel eanet nuorra jienasteddjiide. Odne searvaba politihkalaš doaluide mas nuorat leat ulbmiljoavkun.

Almmuhuvvon ikte, dii. 11:33 Borgemánu 23. beaivi 2017

Johttisámiid listta nubbievttohas čuoččuha Davvikalohtanjunnoša fallehan boazoealáhusa válgačoahkkimis Smiervuonas.

Almmuhuvvon ikte, dii. 09:26 Borgemánu 23. beaivi 2017

Finnmárkku politiijat dieđihedje ahte nissonolmmoš, gii lávvardaga láhppui skoddui, gávdnui jápmán Sállanis maŋŋebárgga gaskal diibmu 13.00 ja 14.00.

Almmuhuvvon ikte, dii. 08:44 Borgemánu 23. beaivi 2017

NRK Sámi Anne Marie Hætta ja Ávvira Sárá Máret Ravdna Oskal bovdeba sámi álbmoga válgagižžurahpamii Romssa kulturvissui ihttin.

17:17 Borgemánu 22. beaivi 2017

Norgga Sámiid Riikasearvvi (NSR) presi­deanttaevttohas Aili Keskitalo gáibida FeFo-stivrra meannudit Nussir ášši ovdal gulaskuddanáigemeari.

14:05 Borgemánu 22. beaivi 2017