II LOGA DIETNASA DEHÁLEAMOSIN: Guovdageainnu Valáštallansearvvi ovddasteaddji Håvard Klemetsen, gii orru Tromssas, ii loga dietnasa deháleamosin valáštallama movttiidahttimii, muhto buriid ovttasbargoguimmiid olis ollašuhttit iežas nieguid. Vuorkágovva: Nils Johan Vars/Ávvir

Ná dine­jit sámi valáštallit

Håvard Klemetsen ii loga iežas dietnasa deháleamosin valáštallan moktii. Geahča mo son ja eará sámi valáštallit dinejedje diibmá.

08:35 Golggotmánu 14. beaivi 2016
Ođastuvvon: 14.10.2016 - 11:13

Vaikko lotnolasvaláštallis Håvard Klemetsen dán jagáš dienaslogut eai leatge nu buorit ja leige diimmá listtuid mielde okta buoremus diinen sámi valáštalliin 2014:s ja sus lei stuorámus opmodat, de ii loga son dietnasa deháleamosin movttiidahttit valáštallat.

(Ášši joatká vuolábealde)

Heajos bohtosat

Klemetsen lohká dán jagáš listtut čájehit ahte valáštallanbohtosiid ektui ii lean sus nu buorre jahki diibmá ja lea maiddái geavahan olles iežas diimmá opmodaga, mii lei lagabui 3.000.000 ruvnnu.

– Mii eallit bohtosiid mielde ja heajut jagiin ferte olmmoš leat čeahpi seastit. Muhto munnje persovnnalaččat ii leat ruhta leamaš dat mii movttiidahttá valáštallat ja čuovvut iežan nieguid, lohká son.

Son lohká opmodaga maiddái geavahan maŋimuš jagi iežas bearrašii ja stohpohuksemii, mii leamaš dehálaš sutnje.

 

Dehálaš čuovvut nieguid

Håvard Klemetsen lohkáge dehálažžan čuovvut iežas nieguid ja vásihit buriid vásáhusaid.

– Jus dus lea stuorra niehku olahit juoga stuorra, de ferte leat dat movttiidahttá, iige ruhta. Mun in dáidde goassige riggut dainna ámmáhiin, muhto beasan vásihit nu issoras ollu fiinna vásáhusaid, mat leat seamma árvvus go ruhta munnje, deattuha son ja lasiha vel; – Dieđusge lea nu maid ahte bohtosiid mielde boahtá maiddái bálkásupmi, mii sáhttá leat oassin movttiidahttit, muhto dušše smávva oasi.

 

Buorit ovttasbargoguoimmit

Muhto nugo buot earáge olbmot, de ferte son maiddái máksit rehkegiid ja loanaid. Dalle lohká son fertet dinet dan mađe ahte birge.

– Mus leat leamaš buorit ovttasbargoguoimmit ja sponsorat, mii lea dagahan ahte beassan valáštallat ja ollašuhttit máŋga iežan niegu. Ja dat lea juoga mii lea dehálaš ja dasa lassin ferte dus gal garra dáhttu jus háliidat juoga olahit ja jus háliidat valáštallat dan jurdaga hága ahte it soaitte goassige šaddat máilmmi buoremus, dovddasta son.

 

Nieguid hága lei heaitit

Son lohkáge ahte lea válljen vuoruhit valáštallama garrasit dan sivas go leat ain máŋga niegu maid ii leat vel beassan ollašuhttit.

– Jus mus eai livčče eambo niegut, de ledjen heaitit valáštallamis, loahpaha son.

Norgga riikkajoavkku hárjeheaddji Per Mathias Høgmo lea dinen eanemus diibmá ja lea iežas jahkedietnasis, mii lei 3.756.326 ruvnnu, máksán 1.764.369 ruvnnu. Sus ii leat evrege opmodat.
Stuorámus opmodat lea spábbačiekčis Morten Gamst Pedersenis ja lea seastán 7.357.131 ruvnnu ja dinen 803.840 ruvnnu diibmá, mas mávssii vearu 478.378 ruvnnu.
Goalmmádin eanemus dinen lea čuoigi Finn Hågen Krogh, geas maiddái lea nubbin stuorámus opmodat 1.600.560 ruvnnu ja diinii 436.430 ruvnnu diibmá.

 

 

 

 

 

 

 

 

Fáddásánit
Ođđasat

På forsiden nå

Anita Bjørnback čuovui girdi ikte Leavnnja girdišiljus Romssa girdišilljui. Dalle ii diehtán man son lei vajálduhttán veskui ja maid oaččui meattá sihkarvuođabearráigeahču Leavnnja girdišiljus.

Almmuhuvvon odne, dii. 15:32 Golggotmánu 18. beaivi 2017

Robert (fargga 6) lea okta dain ollu mánáin geat dáid beivviid leat viehkan ja čoaggán ruđa Afrihká mánáide.

Almmuhuvvon odne, dii. 14:31 Golggotmánu 18. beaivi 2017

TV2 lohpida geavahit 250 miljovnna ruvnno jahkái ođđasiidda, ja 50 miljovnna ruvnno jahkái dárogiel drámái, muitaluvvo kanála ođđa TV-šiehtadeami ohcamušas. Prográmmaid sámi álbmogii ja gielalaš dahje etnalaš unnitlohkoálbmogiidda eai áiggo ráhkadit.

Almmuhuvvon odne, dii. 14:49 Golggotmánu 18. beaivi 2017

Geavaheddjiidráđđi lea iskan ja maŋŋálastán doavtterkantuvrraid riikkas. Finnmárku lea heajumus fylkkaid iskosis, muhto Deanu doavtterguovddáš lea oktanuppelogát sajis buot Norgga gielddain iskosis. Dainna lea sátnejođiheaddji duđavaš.

Almmuhuvvon odne, dii. 11:09 Golggotmánu 18. beaivi 2017

Are Wiig bijai ođđa máilmmi olahusa maŋŋebárgga go borjjastii okto Lindesnesas Davvinjárgii. Riđđun ádjánii beare čieža jándora. Dál vuordá birra máilmmi borjjastus su.

Almmuhuvvon odne, dii. 14:43 Golggotmánu 18. beaivi 2017

5 nieidda ja 2 gándda leat ođđa Finnmárkku fylkkagieldda nuoraidlávdegottis.

Almmuhuvvon odne, dii. 14:45 Golggotmánu 18. beaivi 2017

Dearvvašvuođaministtar Bent Høie oaivvilda ahte buot pasieanttat galget beassat várret diimmuid ja digaštallat dearvvašvuođaset fástadoaktáriin neahta bokte guovtti jagi siste.

Almmuhuvvon odne, dii. 11:10 Golggotmánu 18. beaivi 2017

Báhčaveaji 5A/5C orohat gáibida dál ahte sin orohat okto galgá beassat guođohit guovllus man leat juogadan ránnjáorohagain.

Almmuhuvvon odne, dii. 13:56 Golggotmánu 18. beaivi 2017

Sisabahkkemat leat čuohcan boazodollui áiggiid čađa, ja dál ballet Basevuovddi orohagas el-fápmolinjá gáržžidit guohtoneatnamiid vel eambbo. Dát váikkuha boazodoalu nuoraid boahtteáigái, váruha advokáhta.

Almmuhuvvon odne, dii. 07:00 Golggotmánu 18. beaivi 2017

Romssa fylkasuohkan lea hábmemin guovllu boazo­doalloplána ja dan oktavuođas ohcá fitnodaga mii galgá guorahallat sisabahkkemiid mat váikkuhit boazodollui.

Almmuhuvvon odne, dii. 13:17 Golggotmánu 18. beaivi 2017

Dás oainnát mo sámediggeráđđi lea defineren ja juohkán politihkalaš ovddasvástádussurggiid gaskaneaset.

Almmuhuvvon odne, dii. 13:02 Golggotmánu 18. beaivi 2017

Lea badjel mánu áigi go politiijat burge ovtta dálu Sis-Finnmárkkus, ja duoguštedje goallosjorri dievva biergguid, maid jáhkket leamen sarvva biergun. Liikká eai vuos atte dieđuid eambbo ášši birra, muhto Ávviris leat dieđut ášši birra.

Almmuhuvvon ikte, dii. 14:35 Golggotmánu 17. beaivi 2017

SKAM-beakkálmas Ulrikke Falch bealušta sin geat leat loavkašuvvan dainna go Norgga ruhtadanministtar lei coggan indiána-lágan gárvvuid. Keskitalo lea giitevaš go beakkálmasat váldet su beali áššis.

Almmuhuvvon ikte, dii. 09:59 Golggotmánu 17. beaivi 2017